ხორავას ქუჩაზე მოკლული მოზარდის მამამ, ზაზა სარალიძემ დღეს მერიაში განცხადება შეიტანა. შვილმოკლული მამა აქციის გაგრძელებასა და კარვის დადგმის ნებართვას ითხოვს.

სარალიძის თქმით, ამინდის გაუარესებასთან ერთად, რუსთაველის გამზირზე მყოფი ადამიანების ჯანმრთელობის მდგომარეობაც დროდადრო უარესდება და ისინი ითხოვენ მიეცეთ უფლება გაშალონ კარვები.

"საავადმყოფოდან საავადმყოფოში გვიწევს სიარული, ზოგმა ფეხზე მოიხადა ფარული ფილტვების ანთება. იქ, რომ ვინმეს რამე დაემართოს პირდაპირ ხელისუფლების კისერზე იქნება. გვიკრძალავენს კონსტიტუციით მონიჭებულ უფლებას." განაცხადა სარალიძემ.

მისი თქმით, განცხადებაში, რომელიც დღეს შეიტანა მერიაში მითითებულია მოთხოვნა კარვების გაშლასთან დაკავშირებით. სარალიძის თქმით, ეს უკვე რიგით მესამე განცხადებაა, რომლითაც მერიას მიმართა აქციების გაგრძელებასთან დაკავშირებით და მანამდე არც ერთ შემთხვევაში, მერიას კარვების შესახებ მოთხოვნა განაცხადებაში არ შეუტანია -"ვნახოთ რა პასუხი მოგვივა"- აცხადებს სარალიძე