საპარლამენტო უმრავლესობის წევრი მირიან წიკლაური, როსტომ მეფის სასახლეში, ბიძინა ივანიშვილთან შეხვედრის დეტალებზე საუბრობს და ამბობს: „ბიძინა ივანიშვილმა აღნიშნა ასეთი რამ, როგორც ხელმძღვანელი, მე ვიღებ ამ კრიტიკას საკუთარ თავზეცო".

დეპუტატს არ დაუმალავს, რომ პარტიის თავმჯდომარეს კრიტიკული პოზიცია ჰქონდა.

„ბატონი ბიძინას ავტორიტეტი განუზომელია და ალბათ, ერთ-ერთი ცენტრალური ფიგურა იქნება ამ არჩევნებში. ფორმალურად რა თანამდებობას დაიკავებს, არ ვიცი. დღეს კრიტიკული და იმედიანი პოზიცია ჰქონდა. კრიტიკა იყო მთლიანად გუნდის მუშაობის მიმართ, მათ შორის მან აღნიშნა ასეთი რამ, როგორც ხელმძღვანელი, მე ვიღებ ამ კრიტიკას საკუთარ თავზეცო",- აღნიშნა წიკლაურმა.