საქართველოს სახალხო დამცველი 30 ოქტომბერს ახალქალაქში მომხდარ იცნიდენტსა და პოლიტიკურ ოპონენტებზე თავდასხმას კიდევ ერთხელ ეხმაურება. ნინო ლომჯარია, მომხდარ ფიზიკურ თავდასხმას გაერთიანებული ოპოზიციის აქტივისტებზე პოლიტიკურ მოტივებს უკავშირებს:

“როგორც პირველი ტურის წინ, მე ვფიქრობ, რომ ამ დღეებშიც, ძალიან შესამჩნევი არის აგრესია ოპონენტების მხრიდან ერთმანეთის მიმართ, ვგულისხმობ ვერბალურად გამოხატულ აგრესიას, სოციალურ ქსელებში გამოხატულ აგრესიას, სიძულვილის ენას, ასევე დეზინფორმაციის გავრცელებას. თვალს ვადევნებდით ასევე სამოქალაქო სექტორზე თავდასხმას, პირდაპირ ვიტყვი, როგორც ხელისუფლების წარმომადგენლების მხრიდან, ასევე ორგანიზებულად სოციალურ ქსელებში და რა თქმა უნდა ახალქალაქის ინციდენტი არის ძალიან სერიოზული შემთხვევა იმიტომ, რომ პირდაპირ ჩანს, რომ აქ არსებობდა პოლიტიკური მოტივი,“ - განაცხადა ნინო ლომჯარიამ.