პარტია „ქართული ოცნების“ ცენტრალურ ოფისში, პარტიის თავმჯდომარე ბიძინა ივანიშვილი, საპარლამენტო უმრავლესობის წარმომადგენლებს შეხვდა. შეხვედრის დასრულების შემდეგ, ჟურნალისტებთან კომენტარი ვიცე-სპიკერმა გია ვოლსკიმ გააკეთა.

დეპუტატის განცხადებით, ივანიშვილთან შეხვედრაზე 28 ოქტომბრის საპრეზიდენტო არჩევნების შედეგები და მიზეზები განიხილეს. ასევე, ისაუბრეს მეორე ტურის საარჩევნო კამპანიის შესახებ.

"გარკვეული სისუსტეებიც ძალიან გულახდილად განვიხილეთ და გაგრძელდება სამომავლოდ რეგიონალულ ჭრილში მუშაობა, თბილისი ცალკე, დიდი ქალაქები ცალკე და რეგიონებში კიდევ ცალკე. მაჟორიტარები და ადგილობრივი შტაბის ხელმძღვანელები იქნებიან ამ 2 დღის განმავლობაში ამ საკითხების განხილვაზე,"-ამბობს ვოლსკი.

კითხვაზე, ვინ უხელმძღვანელებს მეორე ტურის სამზადისს, ვოლსკი ამბობს, რომ ამ მოსაზრების დამკვიდრება გარკვეული პოლიტიკური ტექნოლოგიაა.

"რატომღაც ვიღაცეებმა შემოიტანეს ის მოსაზრება, რომ მე ვიქნები ხელმძღვანელი. მე მგონია რომ ესეც გარკვეული პოლიტიკური ტექნოლოგიაა, რომ მე მუდმივად ვიძახო, რომ მე არ ვიქნები და „მან უარყოო" იყოს ეგეთი შეკითხვა, შემდეგ თქვა, არც უარყო, არც დაადასტურა. დეტალებტან დაკავშრებით მე დღეს ვერ ვილაპარაკებ, ბიძნა ივანიშვილი ძირითადად უსმენდა, თუმცა ძირითადად უსმენდა" -ამბობს ვოლსკი.

შეხვედრას მმართველი გუნდის მიერ მხარდაჭერილი საპრეზიდენტო კანდიდატი სალომე ზურაბიშვილიც ესწრებოდა.