ახალქალაქში მომხდარი ინციდენტი, რომლის დროსაც „ქართული ოცნების“ დეპუტატი და მისი ძმა, სხვა მხარდამჭერებთან ერთად გაერთიანებული ოპოზიციის აქტივისტებს ფიზიკურად გაუსწორდნენ - „ქართული ოცნების“ ოფისში მიმდინარე შეხვედრის დასრულების შემდეგ, ჟურნალისტებთან საუბრისას საპარლამენტო უმრავლესობის წარმომადგენელმა, გია ვოლსკიმ განაცხადა, რომ არსებობს საარჩევნო წესები და ახალქალაქის ინციდენტი უნდა განიხილოს იმან, ვისაც ეს საკითხი ეხება.

"ახალქალაქის ინციდენტი უნდა განიხილოს იმან, ვისაც ეხება ეს საკითხი. არის ძალიან სერიოზული თემა და არის საკითხი, როდესაც სახეზე გვაქვს სერიოზული პროვოცირება შეჯახების და არის კიდევ კოდექსი სისხლის სამართლის და არის რაღაც გარკვეული წესები საარჩევნო,"-აცხადებს გია ვოლსკი.

შეგახსენებთ, რომ 30 ოქტომბერს, ახალქალაქში გაერთიანებული ოპოზიციის სამ წარმომადგენელს სასტიკად გაუსწორდნენ. მათი ჯანმრთელობის მდგომარეობა საკმაოდ მძიმეა და მათი გადმოყვანა სამკურნალოდ თბილისში გახდა საჭირო.