28 წლის პოლონელი ქალის მკვლელობაში ეჭვმიტანილი საქართველოს მოქალაქე კიევში დააკავეს.

პოლონეთის პოლიციის ცნობით, ბრალდებული დღეს დააკავეს.

„დაკავება შესაძლებელი გახდა უკრაინის პოლიციასთან სამაგალითო თანამშრომლობის, უკრაინაში საქართველოსა და პოლონეთის სამეკავშირეო ოფიცერის მხარდაჭერისა და ინტერპოლის სათაო ოფისის თანამშრომლობის მეშვეობით“, - ნათქვამია პოლონეთის პოლიციის განცხადებაში.

პოლონეთში ახალგაზრდა გოგოს გაუპატიურებისთვის და მკვლელობისთვის საქართველოს მოქალაქეს მამუკა ხეცურიანს ინტერპოლი ეძებდა.

მამუკა ხეცურიანი წარმოშვებით ქუთაისიდან არის.

პოლონეთის პოლიციის ინფორმაციით მან ქალაქი ლოძი 20 ოქტომბერს დატოვა და 21 ოქტომბერს პოლონეთი-უკრაინის საზღვარი გადაკვეთა, ამჟამად კი სავარაუდოდ საქართველოში იმყოფება.