"სამოქალაქო ომით გვაშინებს ტიპი, რომელსაც აიდი ბარათში რომ ჩიპი დევს, იმისი ეშინია"

სოც.მედია - 14:00, 31 Oct, 2018

1613

უმრავლესობის წევრის გედევან ფოფხაძის განცხადებას იმასთან დაკავშირებით, რომ საპრეზიდენტო არჩევნებში გაერთიანებული ოპოზიციის კანდიდატის გამარჯვებამ ქვეყანაში შესაძლოა სამოქალაქო დაპირისპირება და ომი გამოიწვიოს, იუმორისტი გიორგი ჯანელიძე ეხმაურება:

“რა საყვარელი ქვეყანა ვართ - სამოქალაქო ომით გვაშინებს ტიპი, რომელსაც აიდი ბარათში რომ ჩიპი დევს, იმისი ეშინია.”- წერს გიორგი ჯანელიძე.

შეგახსენებთ, 2014 წელს ID ბარათებთან დაკავშირებული მწვავე დისკუსიის დროს გედევან ფოფხაძეს, რომელიც ID ბარათის აღების წინააღმდეგი იყო იუსტიციის მინისტრმა თეა წულუკიანმა შეკითხვით მიმართა:

„ID- ბარათი ელექტრონული და გაუყალბებელი დოკუმენტია. ID- ბარათი არავინ და არაფერი არ ზის. დღეს ამას მხოლოდ გედევან ფოფხაძე არ ეთანხმება, დანარჩენი ყველა შევთანხმდით, რომ ბარათში არ ზის არავინ. ამიტომ მინდა მის ექვსეულს დაუსვა კითხვა, ყურადღება კითხვა რა ზის ID-ბარათში?“- განაცხადა წულუკიანმა.

რაზეც გედევან ფოფხაძის პასუხი იყო, რომ მას აიდი ბარათი არ სჭირდება:

„სახელმწიფოს ვალია მსგავსი საკითხები, რომელიც მოქალაქეებს აწუხებთ, გულისხმიერად განიხილოს. კიდევ ერთხელ ვაცხადებ, რომ მე არ მჭირდება ეს აიდი ბარათი და არ ავიღებ მას"- განაცხადა ფოფხაძემ.