მმართველი გუნდის მიერ მხარდაჭერილი საპრეზიდენტო კანდიდატი სალომე ზურაბიშვილი მეორე ტურისთვის ბრძოლას განაგრძობს - ამის შესახებ სალომე ზურაბიშვილმა ბრიფინგზე განაცხადა:

„მინდა უღრმესი მადლობა გადავუხადო ყველას, ვინც მოვიდა არჩევნებზე, ვინც დამიჭირა მხარი, ვინც ხმა მომცა, ვინც ძალიან დიდხანს ბოლო სამი თვე ასე აქტიურად იღებდა მონაწილეობას ამ კამპანიაში, რომელიც ადვილი არ იყო, ოცნებას, ჩემი შტაბის მხარდამჭერებს და უბრალოდ ადამიანებს. ყველა ამ ადამიანის გამარჯვებაა ის, რაც მოხდა 28 ოქტომბერს. შეიძლება ვიღაცამ იფიქროს, რომ ეს არ არის ის გამარჯვება, მაგრამ პირველ ტურში პიერველი ადგილი არის გამარჯვება, ყველაფრის მიუხედავად, ყველა იმ ხერხის და მეთოდის გამოყენებით, რომელიც ეკუთვნის რუსულ ტეხნოლოგიას, მაინც პირველი ადგილი, პირველ ტურში, რუსთავი2 ფიქრობს და აჯერებს ხალხს, რომ შეიძლება მოვხსნა კანდიდატურა და რატომ, ვაშაძეს და რუსეთს დავუთმო ქვეყანა? და რა? მხარდამჭერები და თანამებრძოლები მივატოვო შუა ბრძოლაში? არა! მე მგონი არ მიცნობენ, კახელიც ვარ და მეგრელიც. ჯიუტი, ბოლომდე წამსვლელი, ჩემი ხალხის და ქვეყნის ერთგული. ამიტომ, მზად ვარ მეორე ტურისთვის, მზად ვართ ბრძოლისთვის, იმიტომ, რომ მჯერა თქვენი, ვინც დღეს გვისმენთ, მჯერა თქვენი არჩევანის, სიბრძნის, იმის, რომ იცით რა გინდათ საქართველოსთვის, თქვენც კარგად ხვდებით, რომ დღეს არ არის არჩევანი ორ კანდიდატს თუ ორ პარტიას შორის, დღეს არის არჩევანი ორ საქართველოს შორის, ჩვენ ეს არჩევანი ერთად უნდა გავაკეთოთ, მე მჯერა თქვენი, მივდივარ ბრძოლაში, ყველანი მივდივართ ერთად, რადგან ჩვენს მხარეს არის სიმართლე, ევროპა და საქართველოს თანამდროვე მომავალი, ერთად საქართველოსთვის!“, - განაცხადა სალომე ზურაბიშვილი.