მმართველი გუნდის წარმომადგენლის მამუკა მდინარაძის განცხადებით, მმართველი გუნდის მიერ მხარდაჭერილი საპრეზიდენტო კანდიდატის სალომე ზურაბიშვილის შტაბის მონიტორინგის სამსახურის უფროსი სოსო გოგაშვილია:

“თქვენ ახლა მეკითხებით, რატომ მონაწილეობს შეხვედრებში სალომე ზურაბიშვილის შტაბის მონიტორინგის სამსახურის უფროსი. სოსო გოგაშვილი ამ პოზიციაზე შტაბის ჩამოყალიბების შემდეგ მუშაობს. თქვენ ახლა ეძებთ სენსაციას, მაგრამ ეს არ არის სენსაცია. როგორც კი „ქართულმა ოცნებამ“ განაცხადა, რომ მხარს უჭერს სალომე ზურაბიშვილს, მეორე დღესვე ჩამოყალიბდა შტაბი და დაინიშნა სოსო გოგაშვილი შტაბის მონიტორინგის სამსახურის უფროსად. გოგაშვილს არანაირი შეხება არ ჰქონია ფინანსებთან, მაგრამ ხელფასებზე თუ არის საუბარი, კი აქვს. მთავარი თემა ის თუ არის, თუ რატომ ზის გოგაშვილი ჩვენთან ერთად სადღაც ბარში, გეუბნებით, რომ შეხვედრები ყოველწუთიერი გვაქვს“, - განაცხადა მდინარაძემ.