"ეს არის ივანიშვილის მაფიოზური რეჟიმის სახე"- ოპოზიცია ახალქალაქში ნაცემი მხარდამჭერის შემზარავ ფოტოს ავრცელებს

პოლიტიკა - 16:22, 30 Oct, 2018

3252

გაერთიანებული ოპოზიციის წარმომადგენლები ახალქალაქში ნაცემი პირების შემზარავ ფოტოებს ავრცელებენ:
"დღეს ახალქალაქელის ადგილობრივმა "ფარცხალაძემ", მაფიოზმა ქოცმა დეპუტატმა ენძელ მკოიანმა მისი ძმის მეთაურობით თავისი უკანონო შეიარაღებული ბანდა (კასტეტებიანი და ხელკეტებიანი) 20 მანქანით, არჩევნებში მათთვის წინააღმდეგობის გაწევის გამო, ყოველგვარი პროვოცირების გარეშე, მიუვარდნენ ჩვენს ოფისში მყოფ ჩვენი შტაბის წევრებს და სასტიკად სცემეს.
ეს არის ივანიშვილის მაფიოზური რეჟიმის სახე და მისი ბოლო კრიმინალური ფართხალი, რასაც არ შევუშინდებით და მტკიცედ მაგრამ მშვიდად არჩევნებს მივიყვანთ ბოლომდე, გავიმარჯვებთ და ქვეყანას მშვიდი და კრიმინალებისგან თავისუფალი განვითარების გზაზე დავაყენებთ.
ძალა ერთობაშია!"- წერს გია ბარამიძე.

გაერთიანებული ოპოზიციის საპრეზიდენტო კანდიდატის გრიგოლ ვაშაძის საარჩევნო შტაბის წევრს, ფიზიკურად გაუსწორდნენ.

საარჩევნო შტაბის უფროსი აშოტ რაისიანი თავდამსხმელებმა ხელკეტებით სცემეს. დაშავებული სასწრაფო სამედიცინო დახმარების ბრიგადებმა კლინიკაში გადაიყვანეს.