არჩევნების შემაშფოთებელი შეფასება: საერთაშორისო დამკვირვებლების ნაწილი აგრესიის სამიზნე გახდა - პოლონეთის სეიმის დელეგაციის წევრებს დაემუქრნენ და ფიზიკურად შეეხნენ

პოლიტიკა - 19:23, 29 Oct, 2018

1632

პოლონეთის სეიმის დელეგაცია გუშინ ჩატარებული არჩევნების შესახებ შემაშფოთებელ ინფორმაციას ავრცელებს.

მათი თქმით, საერთაშორისო დამკვირვებლების ერთი ნაწილი აგრესიის სამიზნე გახდა.

მეტიც როგორც უცხოელმა დამკვირვებლებმა საპრეზიდენტო არჩევნების შეფასებისას განაცხადეს, დელეგაციის წევრებს დაემუქრნენ და ფიზიკურადაც შეეხნენ.

ეს ყველაფერი კი საარჩევნო უბნების მიმდებარე ტერიტორიაზე მოხდა.

„მინდა გითხრათ, რომ სადამკვირვებლო მისიის წარმომადგენლებმა თავის თავზე განიცადეს აგრესიული მოპყრობა, აგრესიული ქმედებები, რომელსაც ადგილი ჰქონდა საარჩევნო უბნების მიმდებარე ტერიტორიაზე. შეიძლება ითქვას, რს იყო პირველი ასეთ შეხება ასეთ ტიპის აგრესიასთან, რომელიც თავს დაატყდათ სეიმისადა სენატის დეპუტატებს,“ - აღნიშნა სადამკვირვებლო მისიის წარმომადგენელმა.

ადმინისტრაციული რესურსის გამოყენებაც არ გამორჩენიათ დამკვირვებლებს. რამაც მათი შეფასებით, სავარაუდოდ გავლენა იქონია შედეგებზე.

პოლონეთის სეიმის სადამკვირვებლო მისიის წარმომადგენლების თქმით, მათი ყურადღება მიიპყრო ინფორმაციამ, რომელიც მათ მიაწოდეს საერთაშორისო გრძელვადიანმა დამკვირვებლებმა, სხვადასხვა არასამთავრობო ორგანიზაციებიდან.

„მათ ხაზი გაუსვეს, რომ წინასაარჩევნო კამპანია სავსე იყო სიძულვილის ენით, სავსე იყო ცრუ ინფორმაციებით და სხვადსხვა კანდიდატებზე და არასამთავრობო ორგანიზაციებზე თავდასხმებით გამოირჩეოდა...

საარჩევნო კომიტეტებსა და არასამთავრობო ორგანიზაციებთან შეხვედრების შედეგად, ჩვენ მოვიპოვეთ ინფორმაცია, რომელიც შეეხებოდა სხვადასხვა ტიპის დარღვევებს, წინასაარჩევნო კამპანიაში. პირველ რიგში, ეს იყო დარღვევები, რომლებიც შეეხებოდა ადმინისტრაციული რესურსების გამოყენებას წინასაარჩევნო პერიოდში. ჩვენი აზრით, ამ მოქმედებას შეიძლება გავლენა მოეხდინა არჩევნების საბოლოო შედეგზე. ჩვენი ყურადღება მიიპყრო თვითონ საარჩევნო უბნების მიმდებარედ, არსებულმა სიტუაციებმა, იმ აგიტაციამ, რომელიც მიმდინარეობდა საარჩევნო უბნების მიმდებარე ტერიტორიაზე და ჩვენი აზრით, არ არი ეს კარგი, იმიტომ რომ ამას შეუძლია გარკვეული გავლენა მოახდინოს არჩევნების საბოლოო შედეგზე,“ - განაცხადა სადამკვირვებლო მისიის წარმომადგენელმა.