„მიხრეს ძალიან ხომ არ ბლატაობო?“ - მარნეულში გაერთიანებული ოპოზიციის წევრი "ოცნების" აქტივისტებმა სცემეს

პოლიტიკა - 19:08, 29 Oct, 2018

1388

მარნეულში "ქართული ოცნების" აქტივისტმა და მერიის წარმომადგენელმა ოპოზიციის წევრს ფიზიკური და სიტყვიერი შეურაცხყოფა მიაყენეს.

გაერთიანებული ოპოზიციის წევრი, ფუად გახრამანოვი აცხადებს, რომ მმართველი პარტიის წარმომადგენლები მარნეულის თითქმის ყველა საარჩევნო უბანზე გრიგოლ ვაშაძის გამარჯვებამ გააღიზიანა.

გახრამანოვი ასახელებს კონკრეტულ გვარს, რომელიც მისი თქმით ერთ-ერთია მათს შორის ვინც თავს დაესხა. დაზარალებულის თქმით, ანარ გადიმოვი, რომელიც მას თავს დაესხა ფიგურირებს არაერთ დანაშაულში, მათ შორის პოლიციელზე თავდასხმაში, თუმცა მას სოზარ სუბარი მფარველობს.

„გავაჩერე მანქანა რა დროსაც ქართული ოცნების აქტივისტმა და მერიის თანამშრომელმა მითხრა, რომ ძალიან ხომ არ ბლატაობ? შენმა კანდიდატმა რომ გაიმარჯვოს ჩვენს უბანზეო დამემუქრა, რომ ფიზიკურად გამისწორდებოდა. მითხრა რომ მცემდა და დამაბრუნებდა რეალობაში. ამ ჩხუბის დროს იქვე მყოფი ადამიანები გამოვიდნენ და გაგვაშველეს. სწორედ მათ დარეკეს პოლიციაში. ეს არ არის პირველი შემთხვევა. სულ გვემუქრებოდნენ გაერთიანებული ოპოზიციის წევრებს. გვიშლიდა ხელს წინა საარჩევნო პროცესში და როგორც ჩანს ახალა გაღიზიანდნენ რადგან მარნეულმა გრიგოლ ვაშაძე აირჩია. ეგ ოჯახი არის დაახლოებული ქართული ოცნების ლიდერებთან. მათშორის სოზარ სუბართან რომელიც მფარველობს და სამწუხაროდ ბევრი დანაშაული შერჩა,“-განაცხადა გაერთიანებული ოპოზიციის წევრმა ფუად გახრამანოვმა.

„ქართული ოცნების“ აქტივისტი ანარ გადიმოვი კი მომხდარს უარყოფს. ის სოზარ სუბართან კავშირსაც გამორიცხავს.