"თვითონ შეძლონ ხალხის გზავნილების წაკითხვა, მე ეს მისია მიმთავრდება"- მარგველაშვილი "ქართულ ოცნებას"

პოლიტიკა - 18:25, 29 Oct, 2018

1487

საქართველოს პრეზიდენტმა საპრეზიდენტო არჩევნები შეაფასა. გიორგი მარგველაშვილის თქმით, არჩევნებმა მშვიდ და დემოკრატიულ გარემოში ჩაირა. ქვეყნის პირველმა პირმა ბრიფინგზე ადგილობრივი და საერთაშორისო სადაკვირვებლო ორგანიზაციების მიერ გამოვლენილი ხარვეზების სასწრაფოდ გათვალისწინების აუცილებლობაზე ისაუბრა.

მარგველაშვილს ჟურნალისტებმა ჰკითხეს, რა უთხრა ამომრჩეველმა "ქართულ ოცნებას" საპრეზიდენტო არჩევნების შედეგებით. პრეზიდენტის თქმით, ის აღარ აპირებს, ხელისუფლებას საზოგადოების გზავნილები გაუშიფროს და სწორ პოლიტიკურ ნაბიჯებზე მიუთითოს.

"რა არის ჩემი შეხედულებით პოლიტიკურად სწორი ნაბიჯი და მცდარი ამის თაობაზე 5 წლის განმვლობაში ძალიან ღიად ვეუბნებოდი ჩვენს მოქალაქეებს და პირველ რიგში ხელისუფლებაში მყოფ „ქართულ ოცნებას“.

მე ეს მისია მიმთავრდება და დავამთავრე, ახლა თვითონ შეძლონ და წაიკითხონ ის გზავნილები, რომელიც მათ მისცა ქართულმა საზოგადოებამ.

5 წელი ამას ვაკეთებდი, სადაც იყო შეცდომები ვეუბნებოდი, თუმცა 5 წლის განმავლობაში მხოლოდ კრიტიკა მესმოდა,“-აცხადებს პრეზიდენტის.

ჟურნალისტები ასევე დაინტერესდნან, მას რომ მიეღო საპრეზიდენტო არჩევნებში მონაწილეობა იქნებოდა თუ არა იგივე შედეგი, რაზეც მარგველაშვილი ამბობს:

„ჩემს შემთხვევაში არის რეალური წარსულიც. 2013 წელს ქართული ოცნების მხარდაჭერით ნახევარი ფინანსური რესურსით, რაც დღეს დახარჯა ქართულმა ოცნებამ, ნახევარზე ნაკლებით, იმ ფონზე, როცა მიხეილ სააკაშვილი იყო პრეზიდენტი, არცერთი გამგეობა, ჩვენ არ გვეკუთვნოდა, ისე კი არ იყო როგორც ახლაა, როცა ყველა რაიონული სტრუქტურა „ქართული ოცნების“ ხელშია, ნახევარი ფინანსებით ჩვენ დავდეთ შედეგი, რომელიც ყველასთვის ცნობილია 62%“- აცხადებს გიორგი მარგველაშვილი.