”თავისუფალი საქართველოს” თავმჯდომარე, კახა კუკავა მბობს, რომ მეორე ტურში არც ერთი კანდიდატისთვის მხარდაჭერის სურვილი არ აქვს, თუმცა საკითხზე მსჯელობა პარტიაში მაინც შედგება.

„მე პირადად, არ მაქვს არანაირი სურვილი ან ერთ ან მეორე კანდიდატს დავუჭირო მხარი, თუმცა გვექნება პარტიული შეკრება. თვითონ ადგილობრივ ორგანიზაციებში სხვადასხვა განწყობებია და უახლოეს დღეებში მივიღებთ გადაწყვეტილებას. მინდა პირველი ტურიც შევაფასო, რომ ეს ყველაფერი არის იმ უტიფარი სახეების დამსახურება, რომლებიც ატარებდნენ საარჩევნო კამპანიას. ამიტომ, მე ნამდვილად არ მენაღვლება, მაგრამ თუ „ქართული ოცნება“ საერთოდ ფიქრობს მეორე ტურის მოგებას და თუ უკვე კაპიტულაცია არ აქვთ გამოცხადებული, პირველ რიგში უნდა გადადგნენ პრემიერ მინისტრი და პარლამენტის თავმჯდომარე. ეს ორი კლოუნი თუ არ გადადგა, არანაირი საუბრები იმაზე, რომ „ქართული ოცნება“ აპირებს განახლებას და მან რაღაც გაიგო და რაიმეს მიხვდა თავისი შეცდომებიდან, ეს არის ცარიელი ლაპარაკი,“ - განაცხადა კახა კუკავამ.