"დავაფიქსირებ ჩემს პირად პოზიციას, არ ვაპირებ არავისთვის მოწოდებას"- ზურაბ ჯაფარიძე მეორე ტურზე

პოლიტიკა - 16:42, 29 Oct, 2018

2352

პარტია „გირჩის“ საპრეზიდენტო კანდიდატი ზურაბ ჯაფარიძე, რომელმაც 28 ოქტომბერს გამართულ არჩევნებზე 2,26%-ის (36023 ხმა) მოგროვება შეძლო და კანდიდატებს შორის მე-5 ადგილზე გავიდა, აცხადებს რომ მეორე ტურთან დაკავშორებით პოზიციას უახლოეს მომავალში დააფიქსირებს. თუმცა როგორც ჯაფარიძე აცხადებს, ეს იქნება მისი პირადი პოზიცია და ის არ აპირებს, მხარდამჭერებს რომელიმე კანდიდატისთვის ხმის მიცემისკენ მოუწოდოს.

„იმის გამო, რომ ვარ საჯარო პირი დავაფიქსირებ ჩემს პოზიციას, რომელიც იქნება ჩემი პირადი პოზიცია, არ ვაპირებ არავისთვის მოწოდებას.“- განაცხადა ზურაბ ჯაფარიძემ.

შეგახსენებთ, საქართველოს საპრეზიდენტო არჩევნებზე მეორე ტურში ხელისუფლების მიერ მხარდაჭერილი დამოუკიდებელი კანდიდატი სალომე ზურაბიშვილი და გაერთიანებული ოპოზიციის კანდიდატი გრიგოლ ვაშაძე გავიდნენ. გრიგოლ ვაშაძეს მხარდაჭერა უკვე გამოუცხადა არჩევნებში მონაწილე ოპოზიციურმა კანდიდატმა დავით ბაქრაძემ და სხვა ოპოზიციურ პარტიებს ერთიანი საკოორდინაციო შტაბის შექმნისკენ მოუწოდა.

საპრეზიდენტო კანდიდატმა დავით უსუფაშვილმა რომელიმე კანდიდატის მხარდაჭერაზე უარი განაცხადა.