საქართველოს საპრეზიდენტო არჩევნები 2018 - ქვეყანა მეორე ტურის მოლოდინში, სადაც მმართველი გუნდის მიერ მხარდაჭერილი კანდიდატი სალომე ზურაბიშვილი და გაერთიანებული ოპოზიციის კანდიდატი გრიგოლ ვაშაძე იბრძოლებენ. აღნიშნულს მმართველ გუნდშ ეხმაურებიან:

„მეორე ტური არის ჩვეულებრივი დემოკრატიული პროცესი, თუმცა შემაშფოთებელია ის, რომ ჩვენს კანდიდატს ფეხდაფეხ მიჰყვება „ნაციონალური მოძრაობის“ კანდიდატი. უკვე მიმდინარეობს კი არა, მოხდა „ნაციონალური მოძრაობის“ გაცოცხლება. სახეზე გვაქვს პოლიტიკური ფრანკენშტეინიზაცია და ავტორები ჩვენდაუნებურად ვართ ჩვენ. ეს არის გამოსასწორებელი. ახლა საჭიროა ქუდზე კაცის მობილიზაცია. არა მხოლოდ „ოცნების“ მხარდამჭერების, რომლებმაც მოგვცეს ხმა, არამედ იმ ხალხისაც, რომლებიც იყვნენ „ოცნების“ მხარდამჭერები და გარკვეულi მიზეზების გამო, განუდგნენ. მე დარწმუნებული ვარ, რომ მეორე ტურში ჩვენი კანდიდატი გაიმარჯვებს, მაგრამ ეს არ არის გადამწყვეტი. გადამწყვეტია ის თუ როგორ მივედით ჩვენ ამ მდგომარეობამდე ექვსი წლiს თავზე. მიზეზები არ არის სადღაც სიღრმეში და დიდი მოძიება არ სჭირდება. საჭიროა გულწრფელი, გულახდილი საუბარი ჩვენს ამომრჩეველთან“,-განაცხადა ნუკრი ქანთარიამ.