საპრეზიდენტო არჩევნები 2018 - საქართველოს მოსახლეობამ პირველ ტურშ პრეზიდენტი ვერ აირჩია, მეორე ტურში იბრძოლებენ მმართველი გუნდის მიერ მხარდაჭერილი კანდიდატი სალომე ზურაბიშვილი და გაერთიანებული ოპოზიციის „ძალა ერთობაშიას“ კანდიდატი გრიგოლ ვაშაძე.

ვაშაძემ აღნიშNულ საკითხზე დღეს გამართულ ბრიფინგზე სიაუბრა და განაცხადა, რომ გუშინ ღირსების არჩევნები შედგა:

„გილოცავთ ყველა ჩვენს მხარდამჭერს, საქართველოს ყველა მოქალაქეს, ღირსების არჩევნები შედგა, მიუხედავად ტონობით ფულისა, რომელიც დახარჯა ეგრეთ წოდებულმა ხელისუფლებამ, მიუხედავად გაყალბებისა და მცდელობისა, რომ თავისი არარსებული კანდიდატისთვის დაეწერათ გამარჯვება, მათ ეს არ გამოუვიდათ. ჩვენ პარალელურად ვითვლით ოქმებს, ჯერ არაფერი დამთავრებული არ არის. მაქვს თხოვნა, არავითარი ეიფორია, არავითარი წინასწარი ზეიმი, ჩვენ წინ გვაქვს მეორე ტური, რომელსაც საუცილებლად მოვიგებთ და საქართველოში დაიწყება ხელისუფლების ცვლა. ეს უკვე გარდაუვალია, ღირსების არცევნებშ საქართველოს მოქალაქეებმა, თავისი მტკიცე პოზიცია გამოავლინეს. დიდი მადლობა ყველას, ყველა ჩვენს მხარდამჭერს, ჩვენი გუნდის ყველა წევრს, რომლებმაც თავდადებულად იმუშავეს და საქართველოს ყველა მოქალაქეს, რომელიც საარჩევნო უბანზე მივიდა და რომელსაც თავისი ქვეყნის ბედი აღელვებს. კიდევ ერთხელ გიხდით მადლობას და პირობას გაძლევთ, რომ ჩვენ ვიმუშავებთ მტკიცედ და თავდადებულად, როგორც ამას ვაკეთებდით პირველ ტურში“, - განაცხადა ვაშაძემ.

პრეზიდენტობის კანდიდატმა კიდევე რთხელ გადაუხადა მადლობა იმ ოპოზიციურ პარტიებს, რომლებმაც მას მეორე ტურისთვის მხარდაჭერა გამოუცხადეს:

მინდა დიდი მადლობა ვუთხრა „ევროპულ საქართველოს“, ბატონ დავით ბაქრაძეს, რომელმაც უმაღლესი სტანდარტის პოლიტიკური ჟესტი გააკეთა გუშინ და დიდი მადლობა მინდა ვუთხრა „რესპუბლიკურ პატიას“, რომლის წარმომადგენელსაც გუშინ გვიან ღამით შევხვდი, ეჭვი არ შეგეპაროთ, რომ დანარჩენი პარტიებიც ამას მალე გააკეთებენ, ამის მოთმენა რაც ქვეყანაშ ხდება, არ შეიძლება, თუ პოლიტიკურ პარტიის წევრებს და მის ხელმძღვანელობას თავისი ქვეყანა უყვართ“, - აღნიშნა ვაშაძემ.