ბაქრაძემ დამარცხება აღიარა და მხარდამჭერებს მეორე ტურში გრიგოლ ვაშაძის მხარდაჭერისკენ მოუწოდა

პოლიტიკა - 20:27, 28 Oct, 2018

1416

„ევროპული საქართველოს“ პრეზიდენტობის კანდიდატმა ეგზიტპოლების შედეგების გამოცხადების შემდეგ დამარცხება აღიარა და განაცხადა, რომ ახლა აუცილებელია, რომ დაცული იქნეს ოპოზიციის ხმები, რადგან მეორე ტური თითოეულ ხმაზეა დამოკიდებული:

„ეგზიტპოლების შედეგები საკმარისად აჩვენებს სურათს, იმისთვის რომ რამდენიმე დასკვნა გავაკეთოთ. პირველი გახლავთ ის რომ ჩვენ ვიბრძოდით გამარჯვებისთვის, თუმცა ამ არჩევნებზე ამის მიღწევა როგორც ჩანს ვერ მოხერხდა. მიუხედავად იმისა, რომ ჩვენ გავზარდეთ ჩვენი მხარდამჭერების ბაზა, ეს ხმები არ აღმოჩნდა საკმარისი რაშიც ალბათ თავისი როლი ითამაშა ქვეყანაში არსებულმა რადიკალიზაციამ და ბევრმა სხვა ფაქტორმა.

მე მინდა დიდი მადლობა ვუთხრა თითოეულ მხარდაჭერს და ვუთხრა რომ ჩვენი ბრძოლა გაგრძელდება. მაგრამ ჩვენ ბრძოლას ჰქონდა მეორე კომპონენტიც რომელიც შეეხება საერთო ოპოზიციურ ბრძოლას ხელისუფლების წინააღმდეგ. ჩვენი და რ2-ის კვლევა ადასტურებს იმას, რომ იქნება მეორე ტური და ოპოზიციას გააჩნია რეალური შანსი, რომ გაიმარჯვოს მეორე ტურში. ეს იყო ჩვენი ამოცანის მეორე ნაწილი, რომ არ მიგვეცა სალომე ზურაბიშვილისთვის გამარჯვების საშუალება.“- განაცხადა დავით ბაქრაძემ და მხარდამჭერებს და კომისიის წევრებს ოპოზიციის ხმების დაცვისკენ მოუწოდა.

„თუ მეორე დაჯდება სურათი, რომელიც გვაჩვენა ეგზიტპოლმა და მეორე ტურში გავა ნაციონალური მოძრაობის კანდიდატი გრიგოლ ვაშაძე, ჩვენ მას დავუჭერთ მხარს და მოვუწოდებ ჩვენ მხარდამჭერებს დაუჭირონ მას მხარი.“- გაანცხადა დავით ბაქრაძემ.