“ნაციონალური მოძრაობის” ქუთაისის ორგანიზაცია ირწმუნება, რომ ქუთაისის მერიას დაქვემდებარებული აიპებისთანამშრომლებს არჩევნებზე მისვლას და ხელისუფლებისთვის სასურველი კანდიდატისთვის ხმის მიცემას აიძულებენ. ოპოზიცია ამის დამადასტურებელ სიებს აქვეყნებს.

სიაში საჯარო სამსახურის თანამშრომელთა სახელები, გვარები, პირადი და სატელეფონო ნომრები წერია.

ქუთაისის მერიაში სიები არსებობას უარყოფენ.

„ერთ-ერთ კოორდინატორს წავართვი ეს ფურცელი. წერია სახელი და გვარი, კონკრეტული თანხაა მითითებული და დაპლიუსებული არიან ის ხალხის, რომელსაც თანხა აქვთ.

ძალიან სირცხვილია , როდესაც 20-30 ლარად ყიდიან ხმებს ადამიანები, ჩვენ შევძელით რამდენიმე ასეთი სიის მოპოვება,“-ამბობს ქუთაისის მუნიციპალიტეტის საკრებულოს ფრაქცია ”ერთიანი ნაციონალური მოძრაობის” თავმჯდომარე გიგა შუშანია.