ზუგდიდში, ფაიფურის დასახლებაში, 21-ე საარჩევნო უბანზე გაერთიანებული ოპოზიციის წარმომადგენლები და კომისიის წევრები ერთმანეთს სიტყვიერად დაუპირისპირდნენ.

ოპოზიციური გაერთიანები ლიდერთა განცხადებით, მათ მიიღეს ოპერატიული ინფორმაცია, რომ ქართული ოცნება ე.წ. კარუსელის დატრიალებას აპირებდა. გარდა ამისა, ადგილზე მისულებს კომისიის წევრები მთვრალ მდგომარეობაში დახვდნენ.

უბანზე მონიტორინგის მიზნით მისულ მურთაზ ზოდელავას და ბაჩუკი ქარდავას კომიიის თავმჯდომარე უმტკიცებდა, რომ ადგილზე სიმშვიდეა და არავითარი ექსცესები არ დაფიქსირებულა დღის განმავლობაში.

ბაჩუკი ქარდავას თქმით, კომისიის რამდენიმე წევრი არის ნასვამი, რის გამოც თავმჯდომარეს შენიშვნაც მისცა. თავის მხრივ, თავმჯდომარემ ბრალდება უარყო.

„მივიღეთ ოპერატიული ინფორმაცია, რომ ქართული ოცნება ე.წ. კარუსელის დატრიალებას აპირებდა, რისთვისაც ადგილზე ხალხის ობილიზებას ახდენდნენ, ჩვენი მისვლის შემდეგ მათ ეს ვეღარ შეძლეს, ადგილზე ვნახეთ რომ კომიიის ორი წევრი იყო ნასვამ მდგომარეობაში. ამ ეტაპზე ადგილზე არის მოსული პოლიცია და შესაბამისი ოქმიც იწერება“ - განაცხადა ნიუპოსტთან ედპ-ის ლიდერმა.

"ლაივპრესის" ფოტო