ფიზიკური და სიტყვიერი დაპირისპირება მარნეულში - ნაცემია გაერთიანებული ოპოზიციის წარმომადგენელი (ვიდეო)

პოლიტიკა - 14:30, 28 Oct, 2018

1345

სიტყვიერი და ფიზიკური დაპირისპირება მარნეულში. ოფ. იმირიდან 59-ე საარჩევნო უბანში ერთმანეთს გაერთიანებული ოპოზიციისა და სახელისუფლებო გუნდის წარმომადგენლები დაუპირისპირდნენ. დაშავებულია ოპოზიციის წარმომადგენელი.
როგორც "ნიუპოსტს" შინაგან საქმეთა სამინისტროდან აცნობეს, 112-ში შევიდა შეტყობინება მარნეულის რ-ნის სოფ. იმირიდან 59-ე საარჩევნო უბანში კომისიის წევრის ცემასთან დაკავშირებით.
უწყების ცნობით, ქვემო ქართლის პოლიციის დეპარტამენტის თანამშრომლები დაუყოვნებლივ გამოცხადნენ აღნიშნულ უბანზე.
დადგინდა, რომ პარტია “ნაციონალური მოძრაობის” წევრი ფ.კ.-ს და პარტია „ქართული ოცნების“ წევრს ხ. ჰ.-ს შორის მოხდა სიტყვიერი და ფიზიკური დაპირისპირება. სიტუაციის განმუხტვის მიზნით საარჩევნო უბანზე სამართალდამცველები გამოცხადდნენ. პოლიციის არაერთი მოთხოვის მიუხედავად დაეცვათ საზოგადოებრივი წესრიგი - არ დაემორჩილნენ, რის გამოც ორივე მხარის წარმომადგენელი დაკავებულია ადმინისტრაციულ სამართალდარღვევათა კოდექსის 173-ე მუხლით,
მომხდარ ფაქტზე დაიწყო გამოძიება სისხლის სამართლის კოდექსის 162-ე პრიმა მუხლის პირველი ნაწილით, რაც კენჭისყრის შენობაში, საარჩევნო კომისიის განთავსების ადგილას ან მათ მიმდებარე ტერიტორიაზე ძალადობას გულისხმობს.