„ნაციონალური მოძრაობის“ წარმომადგენლებმა ჟურნალისტებს გადასცეს რვეული, რომელიც მათი მტკიცებით, „ქართული ოცნების“ კოორდინატორს ეკუთვნის, რომელიც საარჩევნო უბნის ტერიტორიაზე იმყოფებოდა.

რვეულში არის გარკვეული პირების სია ჩამოწერილი, რომლებიც, ოპოზიციის მტკიცებით, ხელისუფლების კანდიდატს აძლევენ ხმას. სიაში ასევე არის მიწერილი კონკრეტული თანხა, რომელსაც, როგორც ოპოზიციის წარმომადგენელი ამბობს, ამომრჩეველს „ქართული ოცნების“ წარმომადგენლები უხდიან ზურაბიშვილისთვის ხმის მიცემის სანაცვლოდ.

„ქართული ოცნების ხელისუფლებამ უკვე იცის, რომ არჩევნები აქვს წაგებული, მათ უბანში ჩვენი წარმომადგენლები ვერ იყიდეს და გადაწყვიტეს, ამომრჩევლები მოისყიდონ. ფატები არის სახეზე, სახლი გვარით, ტელეფონით, ვის რა გადასცეს. რამდენი აქვთ მიღებული- 450 ლარზეა საუბარი და 230 ლარი აქვთ უკვე გაცემული. სხვა სოფელზე აქვთ კიდევ 150 ლარი გაცემული... ახლა აქ არის 39-კაციანი სია, სავარაუდოდ, უკვე გაცემული აქვთ 600 ლარამდე, თითო პიროვნებაზე 20-20 ლარი. მთელი დღის განმავლობაში „ქართული ოცნების“ კოორდინატორები მუშაობდნენ ამ რვეულში და ეს რვეული შემდეგ აღმოჩნდა ისეთ ადგილას, რომ ჩაუვარდა ჩვენს ამომრჩევლებს, აქტივისტებს და გადმომცეს მე,“ - განაცხადა ოპოზიციის წარმომადგენელმა.