თხების საარჩევნო „მსხვერპლშეწირვა“ სამეგრელოში - „ყველას შეგარგოთ, იმედია, 28-ში თხასავით არ გაყიდით საქართველოს“

სოც.მედია - 20:32, 27 Oct, 2018

1798

როგორც სჩანს მმართველმა პარტიამ, საარჩევნო მოსყიდვის ახალ ფორმას მიმართა - გაიყიდება თუ არა თხის მწვადზე ამომრჩეველი, ეს 28 ოქტომბერს, არჩევნების შედეგების შემდეგ გაირკვევა, თუმცა როგორც „ნიუპოსტს“ ზუგდიდში მცხოვრებლებმა უთხრეს, „ქართული ოცნების“ კოორდინატორებს მოსახლეობაში სალომე ზურაბიშვილის სასარგებლოდ აგიტაციის გაწევა უჭირდათ, სამაგიეროდ, გადაწყვიტეს „ქაცან-ფართით“ და თხების საარჩევნო „მსხვერპლშეწირვით“ მოსახლეობის გული მოიგონ. როგორც გვიყვებიან, ზუგდიდში, რამდენიმე ადგილას შეხვდებოდით გაშლილ სუფრებს და ხეზე ჩამოკიდებულ თხას, რომელსაც სამწვადედ ამზადებდნენ საარჩევნოდ ხმების მოსაპოვებლად.

„ქაცანის“ საარჩევნო კამპანიის შესახებ წერს ფეისბუქის გვერდზე კახა ჯიქია და იმედოვნებს, რომ მოსახლეობა ამ თხასავით არ გაყიდის საქართველოს.

„თხების "მსხვერპლშეწირვით" არჩევნების მოგებას თუ აპირებთ თორემ ,თქვენი გამარჯვების სხვა წინაპირობას ვერ ვხედავ. ამომრჩევლის მოსყიდვის ეს "ტრადიციული" ფორმა კანონდარღვევად არც უნდა ჩაითვალოს ვინც მიირთვით ყველას ღმერთმა შეგარგოთ. იმედი მაქვს 28- ში თხასავის არ გაყიდით საქართველოს და სწორ არჩევანს გააკეთებთ - წერს კახა ჯიქია.