საპრეზიდენტო კანდიდატის ტემურ შაშიაშვილის მხარდამჭერების FACEBOOK-გვრედზე ლელა ებრალიძე ამომრჩეველს მოუწოდებს, არცევნებზე მივიდნენ და შემოხაზონ 65:

„კარგად შეხედეთ ამ გატანჯულ და მაინც მომღიმარ სახეებს და თქვენ თავად მიხვდებით, რამდენი ტყუილია ქვეყნის ფორმალურ თუ არაფორმალურ მმართველთა და პოლიტიკოსთა ყალბღიმილიან პათეტიკაში.

ვერცერთმა მთავრობამ ვერ შეიყვარა ეს ტკბილი და თბილი ხალხი.

რომ ვყვარებოდით, საქართველო დღეს ამ დღეში არ იქნებობა.

არა თუ ვერ შეიყვარეს ხალხი, მეტიც, ყველა - ვინც ხალხთან ასოცირდება - განდევნილია და რადგან "ძლიერთა ამა ქვეყნისათა" ფეხებში ვებლანდებით, მათ კუთვნილ ტელესივრცეში მიზანმიმართულად გვბლოკავენ ...

როცა ჩვენ გვბლოკავენ - ბლოკავენ სიმართლეს თქვენი რეალური ცხოვრებისა და გაჭირვების შესახებ, ჩემნაირო რიგითებო, ჩემო ქართველებო.

როგორი უნდა იყოს ჩვენი პასუხი?!.

არ უნდა გავაკეთოთ ის, რასაც მათ მიერვე ხელოვნურად შექმნილი ჩვენი გაჭირვებული ყოფისგან ელიან :

არ მივცეთ ხმა მმართველ პარტიას! - ისინი 6 წელია წინა ხელისუფლების სტილში იტყუებიან !

არ მივცეთ ხმა ყოფილ ხელსუფლებას - ისინი უფრო დიდი ხანია, ლამის 15 წელია ურცხვად და დაუსრულებლად იტყუებიან !

არ შემოვხაზოთ არც 48, არც 2, არც 5!

არავინ სხვა - ვინც მათი სატელიტებია და თქვენ ჩემზე ნაკლებად არ იცნობთ მათ.

შემოვხაზოთ 65 ! - რადგან მხოლოდ ჩვენი ტკივილებით ნაცხოვრებ ადამიანებს ძალუძთ სიყვარული, ხალხის სიყვარულს კი ამ ქვეყნის ფეხზე დაყენება ნამდვილად შეუძლია !

65 ! - სიყვარულის, თანაბრობისა და ნორმალური ადამიანური ცხოვრების შანსი !

P.S. კარგად დაათვალიერეთ ეს ფოტოები - აი ეს არის რეალური საქართველო და ჩვენ, 65 - ის მომხრეები მას ვხედავთ და ვიცნობთ, ფსევდოელიტებსგან განსხვავებით, გვტკივა ეს საქართველო, გვიყვარს და ბოლომდე ვიბრძოლებთ ამ ხალხის გასაბედნიერებლად !“, - ნათქვამია მიმართვაში.