„თუ გავითვალისწინებთ ივანიშვილის პოლიტიკურ გამოცდილებას, შეიძლება ვივარაუდოთ, რომ იგი, 6 წლის თავზე დიქტატურითვის ემზადება“

„თუ გავითვალისწინებთ ივანიშვილის პოლიტიკურ გამოცდილებას, შეიძლება ვივარაუდოთ, რომ იგი, 6 წლის თავზე დიქტატურითვის ემზადება“ - ბექა მინდიაშვილი

პოლიტიკა - 18:30, 26 Oct, 2018

1067

ივანიშვილის მინიშნება, რომ დემოკრატია მმართველობის რთული ფორმაა, რომ ეფექტურობის მხრივ, დიქტატურა ჯობს, შესაძლოა ამხელდეს მის სურვილს, დაამყაროს მკაცრი, ავტორიტარული მმართველობა - ასე აფასებს თეოლოგი ბექა მინდიაშვილი „ქართული ოცნების“ თავმჯდომარის და ყოფილი პრემიერის ბიძინა ივანიშვილის მიერ ბოლო დღეებში გაკეთებულ განცხადებებს.

აქვე ბექა მინდიაშვილი მიანიჩნებს, რომ საქართველო უახლესი ისტორია მოწმობს იმასაც, რომ დიქტატურის რესურსი საქართველოში არცერთ ძალას არ ჰქონია და ვერც ექნება, ეს მხოლოდ ოკუპანტ სახელმწიოს შეუძლია სასტიკი რეპრესიებით. ამიტომ, თეოლოგი მიიჩნევს, რომ იმ ფონზე, როცა ივანიშვილის რეჟმი დელეგიტიმაციის გზას ადგას, სახელმწიფოსთვის და თავად ივანიშვილისთვისაც საუკეთესო გამოსავალი იქნება საპრეზიდენტო არჩევნების დემოკრატიული ჩატარება, მარცხის აღიარება და ამ გზით პოლიტიკური რეალობის განმუხტვა.

„თუ გავითვალისწინებთ ივანიშვილის პოლიტიკურ გამოცდილებას: პოლიტიკურ ანგარიშწორებებსა და ოპოზიციის მრავალწლიან დევნას, სამოქალაქო სექტორზე ხისტ თავდასხმებს, არაფორმალურ მმართველობას, ოპოზიციური მედიის განადგურების დაუკოებელ ჟინს (რომ არა სტრასბურგელი მოსამართლე, რ2 დახურული იყო), სასამართლოს ჯიბეში ჩადებას, საკონსტიტუციო უმრავლესობას, "ერთხელ თქმის" პრინციპს, თუ გავითვალსწინებთ იმასაც, რომ თვითონ ივანიშვილი, როგორც მისი გამოსვლების ანალიზით შეიძლება დავასკვნათ, რეალობას მაქსიმალურად დამახინჯებულად აღიქვამს და თანაც სურს, რომ სწორედ მის ამ აღქმას შეესაბამებოდეს ყველა და ყველაფერი, მაშინ შეიძლება ვივარაუდოთ, რომ იგი, 6 წლის თავზე, დიახაც, დიქტატურისთვის ემზადება.

ლაპარაკიც კი არ ღირს იმაზე, რომ ეს იქნება უკლებლივ ყველასთვის საბედსიწერო და დამღუპველი შეცდომა. 30 წლიანი პოლიტიკური გამოცდილება გვასწავლის, რომ რანაირადაც არ უნდა მოიწადინო, დიქტატურის რესურსი აქ, საქართველოში, არც ერთ ძალას არ აქვს და ვერც ექნება. ამის ჩადენა მხოლოდ ოკუპაციის შემთხვევაში, ოკუპანტ სახელმწიფოს შეუძლია სასტიკი რეპრესიებით.

თავის დროზე, განსაკუტრებით, კრიზისულ ვითარებებში, ასეთივე ავტორიტარულ მზაობას, ავტორიტარულ მიდრეკლებებს ავლენდნენ გამსახურდია, შევარდნაძე და სააკაშვილი, მაგრამ არც ერთ მათგანს ეს არ გამოუვიდა, ხოლო სააკაშვილმა, საბოლოო ჯამში, ხელისუფლების დემოკრატიული ცვლილების ისტორიული პრეცედენტი შექმნა. წარმოდგენაც კი არ მინდა იმ უბედურების, რაც შეიძლება დაიწყებულიყო, ვთქვათ, შევარდაძე რომ არ გადამდგარიყო ან სააკაშვილს წაგება არ ეღიარებინა.

აშკარაა, რომ ივანიშვილის მმართველობა ელვის სისწრაფით გადის დელეგიტიმაციის გზას, ამიტომ, უშუალოდ მისთვის, მისი მომრხეებისთვის და საერთოდ, ყველასთვის ერთად, საუკეთესო გამოსავალი საპრეზიდენტო არჩევნების სუფთად ჩატარება, მარცხის აღიარება და შედეგად, მაქსიმალურად დაძაბული პოლიტიკური რეალობის განმუხტვა იქნება. ამავდორულად, 2020 წლის არჩვენებისთვის, ეს გახდება კარგი რეპეტიცია მშვიდად, აუღელვებლად ოპოზიციურ ძალასთან ხელისუფლების გაყოფის ან, უკეთეს შემთხვევაში, ხელისუფლების გადაცემისა, - ეს იქნება ნამდვილი ქართული პოლიტიკური ევროპეიზაცია.

ორუელიანურად კი გამომდის, მაგრამ ივანიშვილის მარცხი მისივე გამარჯვება იქნება, ცხადია, ისევე როგორც გამარჯვება მთელი საქართელოსი. ოღონდ ძნელი სატქმელია, შეუძლია თუ არა ეს ვინმემ შეაგნებინოს, ვინმემ ამაში დაარწმუნოს. აი, განვითარების სხვა პერსპექტივის წარმოდგენა კი, როგორც ზემოთ უკვე დავწერე, არც მინდა, იმდენად შემზარავია“ - წერს ბექა მინდიაშვილი ფეისბუქის საკუთარ გვერდზე.