გაერთიანებული ოპოზიცია „ძალა ერთობაშიას“ შტაბში საგანგებო ბრიფინგი გამართა საპრეზიდენტო კანდიდატის აარჩევნო შტაბის უფროსმა. გიორგი ვაშაძე გორში მომხდარ, 8 წლის გოგონას მკვლელობას გამოეხმაურა და ოჯახის წევრებს მიუსამძიმრა, გამოძიებას კი კითხვებზე დროული პასხუხების გაცემისკენ მოუწოდა:

„სამძიმარს ვუცხადებთ ბერიაშვილების ოჯახს, უმძიმესი ტრაგედიაა, რომელიც მოხდა გუშინ გორში, 8 წლის გოგონას სასტიკ მკვლელობასთან დაკავშირებით. იმედს ვიტოვებთ, რომ უმკაცრესად იქნება დასჯილი ყველა, ვისაც ბრალი მიუძღვის ამ დანაშაულში და უმოკლეს ვადებში იქნება ყველა კითხვაზე პასუხი გაცემული“, - აღნიშნა გიორგი ვაშაძემ.

ვაშაძე ასევე გამოეხმაურა რუსთაველის გამზირზე შვილმოკლული მამის, ზაზა სარალიძის დაკავების ფაქტს და განაცხადა, რომ გაერთიანებული ოპოზიცია მოითხოვს, დაუყოვნებლივ იქნეს გათავისუფლებული ზაზა სარალიძე:

„მინდა გამოვეხმაურო დღეს ზაზა სარალიძის დაკავების ფაქტს, 50 დღის მნძილზე, პირპდაპირ პროვოკაციაზე მიდიოდა ხელისუფლების დავალებით შინაგან საქმეთა სამინისტრო, ზაზა სარალიძესთან დაკავშირებით და დღეს ბიძინა ივანიშვილმა ზაზა სარალიძეზე თავდასხმით, ფაქტობრივად პირდაპირი ბრძანება გასცა მისი დაკავების, ამიტომ, ჩვენ მოვითხოვთ, რომ დაუყოვნებლივ იქნას გათავისუფლებული შვილმოკლული მამა, რომელიც ერთადერთ რამეს ითხოვს, ითხოვს საკუთარი შვილის მკვლელების დასჯას და მკვლელების მფარველების დასჯას. ჩვენ ვფიქრობთ, რომ ეს არის აბსოლუტურად სამართლიანი მოთხოვნა და ჩვენ თავიდან ბოლომდე მის გვერდით ვდაგავრთ და მხარს ვუჭერთ ამ მოთხოვნაში“, - განაცხადა გიორგი ვაშაძემ.