"ევროპული საქართველოს" პრეზიდენტობის კანდიდატი, დავით ბაქრაძე ზაზა სარალიძის დაკავების ფაქტს ეხმაურება.

დავით ბაქრაძის თქმით, ხელისუფლებამ დაუყოვნებლივ უნდა შეწყვიტოს სარალიძეზე შეტევა და მისი დისკრედიტირება.

„უკვე თითქმის ერთი წელია, რაც ზაზა სარალიძე ითხოვს მისი შვილის მკვლელების დასჯას და ამ ადამიანმა იცის ზუსტად, მათ შორის საპარლამენტო კომისიის მუშაობის შედეგად, ვინ მონაწილეობდა მისი შვილის მკვლელობაში. უკვე თითქმის ერთი წელია ზაზა სარალიძე ითხოვს იმ თანამდებობის პირების დასჯას, ვინც მკვლელებს დააფარა ხელი და მან ასევე ზუსტად იცის კომისიის მუშაობის შედეგად ვინ არიან ის თანამდებობის პირები ვინც მკვლელს ხელი დააფარა და დღესაც აფარებს. უკვე 5 თვეზე მეტია ეს ადამიანი არის ქუჩაში, ამიტომ ხელისუფლებას სულ ტყუილად აქვს იმედი რომ ზაზა სარალიძის პროვოცირებით მისი დისკრედიტირებით, მის წინააღმდეგ შეტევებით ეს ჭრილობა მოშუშდება. თითოეული დღე, რომელსაც ზაზა სარალიძე ატარებს ქუჩაში არის შეხსენება ჩვენი საზოგადოებისთვის იმ უზნეო სისტემის, რომელიც დღევანდელმა ხელისუფლებამ ჩამოაყალიბა საზოგადოებაში, ამიტომ ეს ჭრილობა არ შეხორცდება მანამ სანამ სამართლიანობა არ აღდგება და არ დაისჯებიან ის ადამაინები ვინც მონაწილეობა დათო სარალიძის მკვლელობაში და ვინც ხელს აფარებდა მკვლელებს ამიტომ მოვუწოდებ ხელისუფლებას შეწყვიტოს ზაზა სარალიძეზე შეტევა ,შეწყვიტოს მისი დისკრედიტირება და დაუყონებლივ გაანთავისუფლონ ეს ადამიანი და დასაჯონ ყველა ის პირი ვინც მონაწილეობდა მისი შვილის მკვლელობასა და ამ მკვლელობის დაფარვაში" - აღნიშნა დავით ბაქრაძემ.