"მანქანა დაეჯახა და მერე გადაიტანეს გვამი" - 8 წლის გოგონას მკვლელობაზე სხვადასხვა ვერსიები ვრცელდება

პოლიტიკა - 09:54, 26 Oct, 2018

3278

გორში გარდაცვლილი 9 წლის ნანა ბერიაშვილის ოჯახის წევრები მომხდარის დროულ გამოძიებას ითხოვენ. მათი ინფორმაციით მიმდებარე ტერიტორიაზე რამდენიმე ვიდეოკამერაა დამონტაჟებული.

"2 კამერა აყენია, ორ მაღაზიასთან, ორი მაღაზიაა, ორივე აკონტროლებს გზას. 50 მეტრის იქით რა მანქანა გავიდა. 10 წუთის განმავლობაში. მაგის პოვნას რა უნდა? თუ ეს მანქანა ვერ იპოვეს, მართლა მაგარი გვქონია ეს საქართველო," - განაცხადა მოკლული გოგონას ბაბუამ.

გორის მუნიციპალიტეტის საკრებულოს თავმჯდომარე, დავით რაზმაძე იმყოფებოდა შემთხვევის ადგილზე.

რაზმაძის თქმით, ერთ-ერთი ვერსიით, ბავშვს მანქანა დაეჯახა, რის შემდეგაც ცხედარი სხვა ადგილზე გადაასვენეს.

"მეზობლები საუბრობდნენ, რომ მანქანა დაეჯახა და მერე გადაიტანეს გვამი. აქ რაღაცა შემთხვევა იყო, ვიღაცამ შეგნებულად ჩაიდინა, მანიაკის გაკეთებულია... ვერაფერს ვერ იტყვით,"-აცხადებს დავით რაზმაძე.

შინაგან საქმეთა სამინისტრომ გორში მომხდარ ფაქტზე გამოძიება წინასწარი შეცნობით არასრულწლოვნის მიმართ დამამძიმებელ გარემოებაში განზრახ მკვლელობის მუხლით დაიწყო.

მდინარე ლიახვის ნაპირზე ცხრა წლის გოგონა მოკლილი გუშინ იპოვეს.