„ეს ხალხი არის ყველაფერზე წამსვლელი და ყველაფრის მკადრებელი“ - თამარ ჩუგოშვილი უკრაინაში დარიგისტრირებულ ვებგვერდზე გამოქვეყნებულ ჩანაწერზე საუბრობს

პოლიტიკა - 18:56, 25 Oct, 2018

933

უკრაინაში დარეგისტრირებულ ვებგვერდზე გამოქვეყნებულ აუდიომასალას, რომელიც ვებგვერდის მტკიცებით მიხეილ სააკაშვილისა და მიძი ბიძის თემურ ალასანიას საუბარს ასახავს, ეხმაურება პარლამენტის თავმჯდომარის პირველი მოადგილე. თამარ ჩუგოშვილის თქმით, იმის დადგენა იკვეთება თუ არა სისხლის სამართლის ნიშნები, გამოძიების პრეროგატივაა.

„სისხლის სამართლის დანაშაულის ნიშნები იკვეთება ამაში თუ არ იკვეთება, ეს უკვე არის გამოძიების საქმე. ეს ხალხი არის ყველაფერზე წამსვლელი იმისთვის, რომ ძალაუფლება ხელში ჩაიგდოს, აბსოლუტურად ყველაფრის მკადრებელი. მათი დამოკიდებულება ქართველი ხალხის და ქვეყნის მიმართ არის გასაგები, მაგრამ საქართველოში დესტაბილიზაციას, არც არეულობას, არც ქაოსს მომავალი არ აქვს,“- განაცხადა თამარ ჩუგოშვილმა.

აუდიომასალა ვებგვერდ დღეს გამოქვეყნდა. Data -მონაცემებით, ეს ვებგვერდი 2015 წელს არის დარეგისტრირებული, თუმცა სამი წლის განმავლობაში უმოქმედო იყო და მასალები პირველად გუშინ ჩანაწერის გამოქვეყნებამდე რამდენიმე საათით ადრე აიტვირთა. ჩანაწერში, თითქოს, მიხეილ სააკაშვილი და თემურ ალასანია ნიკა გვარამიას და ეკა კვესიტაძეზე საუბრობენ.