"მეორე ტური სალომე ზურაბიშვილსა და დავით ბაქრაძეს შორის გარდაუვალია"

"მეორე ტური სალომე ზურაბიშვილსა და დავით ბაქრაძეს შორის გარდაუვალია" - გიგი უგულავა

პოლიტიკა - 17:35, 25 Oct, 2018

846

მოძრაობა "ევროპული საქართველო" კვლევის შედეგებს აქვეყნებს. კვლევა მოძრაობის დაკვეთითა და დაფინანსებით ჩაატარა კომპანია "ბი-სი-ჯი-კვლევამ". კვლევის საველე სამუშაოები ჩატარდა 20-24 ოქტომბერს, შერჩევა განხორციელდა სამსაფეხურებრივი კლასტერული პრინციპით და მოიცავდა საქართველოს ტერიტორიას ოკუპირებული ტერიტორიის გამოკლებით. სულ გამოკითხული იქნა 1508 ამომრჩეველი, კვლევის ცდომილება შეადგენდა 2-3%-ს, კვლევის სანდოობა -95%.

"კვლევის შედეგების მიხედვით საქართველოს ამომრჩეველთა უმეტესობა (69%) აპირებს 2018 წლის 28 ოქტომბრის არჩევნებში მონაწილეობის მიღებას. საპრეზიდენტო ხმები შემდეგნაირად გადანაწილდა სალომე ზურაბაშვილი-16%, დავით ბაქრაძე-14,4%, გრიგოლ ვაშაძე-12,8%, შალვა ნათელაშვილი-4%, სხვა კანდიდატები-3,8%, გადავხაზავ ყველას-8,1%, უარი პასუხზე-6,1% და ჯერ არ გადამიწყვეტია/არ ვიცი-34,8%.

უარებისა და გადაუწყვეტელი ხმების ანალიტიკური შეწონვითა გადანაწილებით შემდეგი ჩანს, რომ ჩატარდება მეორე ტური. ხმები შემდეგნაირად გადანაწილდა სალომე ზურაბაშვილი-33,1%, დავით ბაქრაძე-30,6%, გრიგოლ ვაშაძე-27,1%, შალვა ნათელაშვილი-4,1%, სხვა კანდიდატები-5,1%.

ანალიტიკური გადანაწილება მოხდა 20-ზე მეტი დამატებითი კითხვის მეშვეობით, მათ შორის რა მიმართულებით ვითარდება ქვეყანა, ვინ არის პასუხისმგებელი ქვეყნის არასწორე მიმართულებით განვითარებაში, რამდენად გაამართლა ბიძინა ივანიშვილმა თქვენი მოლოდინები, სხვადასხვა სახელმწიფო და პოლიტიკური ინსტიტუტების შეფასება, პოლიტიკოსების საქმიანობის შეფასება, მეორე არჩევანი, ვის არ მისცემდნენ არასოდეს ხმას, მეორე ტურში გაკეთებული არჩევანი, ქვეყნის განვითარების საგარეო ვექტორი.

მეორე ტურის ჩატარების შემთხვევაში ხმები შემდეგნაირად გადანაწილდა:

დავით ბაქრაძე და სალომე ზურაბიშვილი - დავით ბაქრაძე-42,0%, სალომე ზურაბაშვილი-25,9%, არცერთი-14,4%, არ ვიცი/უარი პასუხზე-17,7%.

გრიგოლ ვაშაძე და სალომე ზურაბიშვილი - გრიგოლ ვაშაძე-39,3%, სალომე ზურაბაშვილი-27,2%, არცერთი-14,5%, არ ვიცი/უარი პასუხზე-19,0%.

დავით ბაქრაძე და გრიგოლ ვაშაძე - დავით ბაქრაძე - 29,1%, გრიგოლ ვაშაძე- 25,2%, არცერთი-22,9%, არ ვიცი/უარი პასუხზე-22,8%" - განაცხადა გიგი უგულავამ.