სალომე ზურაბიშვილმა დღეს სპორტის სასახლეში საარჩევნო კამპანია შეაჯამა, რომელსაც მისი შვილები ქეთევანი და თეიმურაზი ესწრებოდნენ.

თეიმურაზ გორჯესტანმა სიტყვით მიმართა სალომე ზურაბიშვილის მხარდაჭერებს და მადლობა გადაუხადა.

"მადლობა მინდა გადაგიხადოთ ძლიერი მხარდაჭერისთვის. ქეთევანი და მე ჩამოვედით პარიზიდან და ლონდონიდან ამ კვირას, რადგან ეს არის ჩვენთვის განსაკუთრებული მომენტი. კანდიდატი, რომელსაც მიმართავთ ქალბატონი სალომეთი, რომელიც კვირას ალბათ იქნება ქალბატონი პრეზიდენტი, ჩვენთვის დარჩება უბრალოდ დედა. ეს მიმართვა – „დედა“ არის ჩვენთვის სიმბოლო, რადგან ეს სიტყვა ჩვენთვის პირველი ინსტინქტის კავშირია შორეულ საქართველოსთან. ეს არ არის შანსის შედეგი, ეს არის შედეგი, ჩვენი მშობლების დამსახურება, რომ პირველი ენა ჩვენთის ყოფილიყო ქართული, როდესაც ქართულ პოლიტიკაში დარჩენა გადაწყვიტა, ოჯახმა ერთად ვეხვეწეთ, რომ საფრანგეთში დაბრუნდი. ეს იმის გამო, რომ მისი ფიზიკური უსაფრთხოების გვეშინოდა. საქართველოში პოლიტიკა კიდევ საშიში იყო. ამ თხოვნაზე დედამ ერთი პასუხი გაგვცა, რომ ბრძოლა იყო ვალდებულება და პარიზში ჩამოსვლა სამშობლოს მიტოვება იქნებოდა.

უკვე დრო მოვიდა, დაგითმოთ ძვირფასი დედა. ეს ვიცით, რომ დაგიცავთ ყველას, დაიცავს საქართველოს, ისე როგორც ჩვენ დაგვიცვა. წარმატებებს ვუსურვებ ჩვენს დედიკოს" - განაცხადა სალომე ზურაბიშვილის შვილმა.