„საზოგადოებრივი მაუწყებლის“ სამეურვეო საბჭოს სხდომაზე, რომელიც 12 საათზე გაიმართება არხის გენერალურ დირექტორს უნდობლობას გამოუცხადებს და მის ადგილს "ნიუპოსტის" ინფორმაციით, თამაზ ტყემალაძე დაიკავებს.

შეგახსენებთ, რომ სამეურვეო საბჭომ დირექტორით უკმაყოფილება მანამდეც გამოხატა, როცა ხმათა უმრავლესობით გიორგი ბარათაშვილი თანამდებობიდან გადააყენა, თუმცა, სასამართლომ იგი გენერალური დირექტორის უფლებებში ისევ აღადგინა. საბჭოს წევრთა განცხადებით, მათი განცხადებით, საბჭომ არაერთხელ მოსთხოვა გენერალურ დირექტორს, 2013-2014 წლის საეთერო სეზონისთვის ფინანსურად დასაბუთებული გადაცემების აღწერილობა, სავარაუდო ბიუჯეტი და მათი წარმოებაში ჩაშვების გეგმა წარედგინა.

“ასეთი გეგმის არარსებობა მაუწყებელს ახალი საეთერო სეზონის ჩავარდნის წინაშე აყენებს”, – აღნიშნულია სამეურვეო საბჭოს განცხადებაში. ბორდის წევრების თქმით, საბჭოს მიმართვის მიუხედავად, დღემდე არაა წარდგენილი ორგანიზაციის საშტატო განრიგი, სახელფასო ფონდი და სახელფასო სარგოები. “მაუწყებლის შესახებ კანონის” 32-ე პრიმა მუხლის მესამე და მეოთხე პუნქტების საფუძველზე, გენერალური დირექტორისადმი უნდობლობის საკითხის დაყენება ბორდის სიითი შემადგენლობის ორ მესამედს შეუძლია. ბარათაშვილისადმი უნდობლობის გამოცხადების საკითხის სხდომაზე დაყენებას 13 მოქმედი წევრიდან 12-მა მოაწერა ხელი. ბორდის მეცამეტე წევრი ნინო დანელია საქართველოში არ იმყოფება.