"საზოგადოებამ ზუსტად დაინახა სად არის სიყალბე და სად არის სიმართლე" - კობახიძე ივანიშვილს ეთანხმება და მისი გამოსვლა მოსწონს

პოლიტიკა - 18:46, 24 Oct, 2018

4439

პარლამენტის თავმჯდომარე ბიძინა ივანიშვილის ინტერვიუს აფასებს და აცხადებს, „ქართული ოცნების“ თავმჯდომარემ ქვეყანაში არსებულ რეალურ სურათზე ისაუბრა. ამავდროულად პარლამენტის თავმჯდომარე წუხს, რომ პარტიის თავმჯდომარეს არ მიეცა საშუალება ესაუბრა ქვეყნის განვითარების გეგმაზე.

"გუშინ იყო საუბარი იმ საკითხებზე, რომელიც შუქდება ერთი სახით, სადაც რეალობა არის მეორე. ძალიან მნიშვნელოვანი იყო ამ საკითხებთან დაკავშირებით საზოგადოებისთვის სწორი ინფორმაციის მიწოდება. მე ვფიქრობ, საზოგადოებამ ზუსტად დაინახა სად არის სიყალბე და სად არის სიმართლე. ამას დაეთმო გუშინდელი გადაცემა, სამწუხაროდ გუშინდელი გადაცემა ვერ დაეთმო სამომავლო ხედვებზე საუბარს.

დარწმუნებული ვარ, რომ პარტიის თავმჯდომარეს სამომავლოდ ექნება საშუალება, რომ ასევე საზოგადოებას ესაუბროს სამომავლო ხედვაზე, იმაზე თუ როგორ გვესახება ჩვენ ქვეყნის განვითარება.

ძალიან ცუდია, რომ ამ ფორმით წარიმართა ეს დისკუსია რა ფორმითაც წარიმართა და ვხედავდით თუ ვინ იყო ამ ყველაფრის ინიციატორი და რამდენად ირღვეოდა ჟურნალისტური ეთიკის სტანდარტები,"-განაცხადა ირაკლი კობახიძემ.