ხორავას ქუჩაზე მოზარდების მკვლელობასა და გირგვლიანის საქმეს შორის პარალელების გავლებას ივანიშვილმა ცინიზმი და უზნეობა უწოდა, მისი თქმით, გირგვლიანის საქმისგან განსხვავებით სახელმწიფოს ამ მკვლელობაში არანაირი ინტერესი არ ქონია:

„ის რომ ხორავას ქუჩაზე მომხდარი ტრაგედია დღეს გადაიქცა სიმბოლოდ და ზოგიერთები ახერხებენ პარალელები გირგვლიანთან გაავლონ ეს არის ძალიან დიდი ცინიზმი და უზნეობა. რამეთუ არსად არ იკვეთება, რომ დღევანდელ სახელმწიფოს რაიმე სურვილი და ინტერესი ქონდა ამ მკვლელობაში და კომისიამაც ვერაფერი მსგავსი ვერ აჩვენა. სახელმწიფოს ინტერესია რომ ეს გამოძიება იყოს სწორად და დროში წარმართული, ეს დაგვიანებული არაა, სასამართლო მიმდინარეობს. ის რომ კომისიამაც მინიშნება ვერ გააკეთა, რომ ხელისუფლებას ქონდა რაიმე ინტერესი რომ რამე დაემალა ან ვიღაცისთვის ხელილ დაეფარა, ის რომ პროკურორმა შოთაძემ მოახერხა, დააკამყოფილა მაღალი სტანდარტები, ის რომ მოსამართლემ არ გაიზიარა პროკურატურის პოზიცია, სწორედ ეს გახდა მიტინგის მიზეზი. ნახეთ რა კარგი პროცესი მიდის, იმისთვის რომ კარგად ვაჩვენო დღევანდელი ხელისუფლების პოზიცია, ამავდროულად მუდმივად გვიკიჟინებენ რომ ჩვენ ვმართავთ სასამართლოს და პროკურატურა მართავს სასამართლოს, სასამართლომ არ გაიზიარა პროკურატურის პოზიცია და პროკურორი ამას შეეწირა და გადადგა, რამდენად სწორად გადადგა ჯერ კიდევ არ ვიცით.“- განაცხადა ივანიშვილმა.