„ქართული ოცნების“ თავმჯდომარე ბიძინა ივანიშვილი, 1 წლის განმავლობაში თავის გუნდში დიდ ცვლილებებს აპირებს და აცხადებს, რომ ყველაფერს თავისი სახელი დაერქმევა:

„უფრო მკაცრი მოთხოვნები იქნება ქართული ოცნების წევრების მიმართ, პარტიაც გაძლიერდება და მე მოვახერხებ იმას, რომ მაქსიმუმ 1 წელწადში ყველას თავისი სახელი ერქმევა და ყველას თავისი ადგილი ექნება, რ2 ვერ შეძლებს საზოგადოების დიდი ნაწილი მძევლად ჰყავდეს და განსხვავებული აზრი არ მოისმინოს და ასეთ სიცრუეში და სტრესებში აცხოვროს ხალხი, ის რაც გააკეთეს 9 წლის განმავლობაში დღესაც ცდილობენ ისევ ძალადობით და სიცრუით მოახდინონ საზოგადოების მანიპულირება, მე ვპირდები საზოგადოებას, რომ საკუთარ გუნდს მაქსიმალურად გავამყარებ და გავამაგრებ, მენეჯმენტია ჩემი "კანიოკი", რითაც წარმატებას მივაღწიე. მე გავაკეთებ ისეთ მენეჯმენტს, რომ დავეხმარები გუნდს, ამისთვის შემოვბრუნდი. დღეს ისეთი გრძნობა და შეგრძნებაა, თითქოს სახელმწიფო აღარ არსებობს. დღეს ოქუაშვილი, რომელიც ბიუჯეტს ფულს არ უხდის, ის უტევს სახელმწიფოს, მათ დროს გელაშვილი ლამის მოკლეს და დღეს უნდა დახატონ რომ სახელმწიფო რეკეტი ივანიშვილის მეთაურობით მიმდინარეობს და ოქუაშვილისგან ფულს იღებს.“- განაცხადა ივანიშვილმა.