"სარდაფში რომ ჩაიყვანა, რას უპირებდა? თქვენი ტელევიზიით რომ იყო ნათქვამი, რომ გაუპატიურებას უპირებდა?"- ივანიშვილის კომენტარი ფარცხალაძის დაუსჯელობაზე

პოლიტიკა - 22:46, 23 Oct, 2018

1796

ივანიშვილის თქმით, ფარცხალაძის თემა ხელოვნურადაა აწეული მედიის მიერ, აღნიშნული კომენტარით "ქართული ოცნების" თავმჯდომარემ ეკა კვესიტაძის შეკითხვას უპასუხა ოთარ ფარცხალაძის დაუსჯელობასთან დაკავშირებით.

„თქვენი ტელევიზია არის სიცრუის ტელევიზია, შესაბამისად თქვენი დასმული კითხვებიც მასეთ რაკურსში, როგორც თქვენ ამბობთ ჩემთვის არაფერს წარმოადგენს. რამეთუ თქვენი ფურცლები ჩემთვის არაფერს არ წარმოადგენს , თქვენი შეგროვილი არის სიცრუის შემცველი, ამიტომ სიცრუეზე არ ვაპირებ რეაქციები გაკეთებას. რაც შეეხება ფარცხალაძეს, მასზე გამოძიება გრძელდება, ჩამოსულები არიან დაქირავებული პროკურორები, რომ ყველა კითხვაზე იყოს პასუხი გაცემული... სარდაფში რომ ჩაიყვანა, რას უპირებდა? თქვენი ტელევიზიით რომ იყო ნათქვამი, რომ გაუპატიურებას უპირებდა? ასეთი არაფერია ნათქვამი ჩანაწერებში. რამდენად სანდოა კაცი, რომელიც 50 მილიონს სახელმწიფოს არ უხდის მაყურებლისთვის მიგვინდია.“- განაცხადა ივანიშვილმა ეკა კვესიტაძოს კითხვის საპასუხოდ.

„ოქუაშვილის ირგვლივ ხელოვნურადაა აწეული ფარცხალაძეც.“- აღნიშნა ივანიშვილმა.

დიანა ტრაპაიძის რეპლიკაზე რატომ ეძვირფასება ასე ოთარ ფარცხალაძე, ივანიშვილმა მას უთხრა, რომ რუსთავი2-ის ფილიალად ნუ წარმოაჩენს თავს.