გაზსა და ელექტროენერგიაზე ტარიფები შესაძლოა გაიზარდოს - ფასის მატების მოთხოვნით სემეკს კომპანიებმა უკვე მიმართეს

პოლიტიკა - 15:50, 23 Oct, 2018

1331

სემეკის თავმჯდომარე არ გამორიცხავს, რომ გაზსა და ელექტორენერგიაზე ტარიფები გაიზარდოს. ირინა მილორავა აცხადებს, რომ გაზმომარაგები კომპანიებმა უკვე მიმართეს მათ და წლის ბოლომდე უნდა მოხდეს ტარიფების გადახედვის საკითხი განხილვა. რაც შეეხება ელექტროეენერგიაზე ტარიფის მატებას, სემეკის თავმჯდომარე ამბობს, რომ ელექტრომომარაგების კომპანიებს ამ დრომდე არ მიუმართავთ, თუმცა თუკი კომპანიების ხარჯები შეიცვალა, მათ აქვთ უფლება, სემეკში ფასის ზრდაზე მიმართვა გააკეთონ. მიუხედავად იმისა, რომ კომპანიამ სამი წლით ტარიფი უკვე დაადგინა, არ აქვს უფლება მიმართვის შემთხვევაში ტარიფს არ გადახედოს.

„სატარიფო განხილვა ეხება რამდენიმე კომპანიას. ეხება გაზის ტრანსპორტირების კომპანიას. კომპანია „ყაზტრანსგაზს“, „საქორგაზს“ და“სოკარჯორჯიაგაზს“. შესაბამისად, როგორ იქნება საბოლოოდ სამომხმარებლო ტარიფი, დამოკიდებულია ამ კომპანიების ტარიფების დადგენაზე. პასუხი გვეცოდინება ამ წლის ბოლომდე.

ენერგეტიკული სექტორისთვის ტარიფები დავადგინეთ შარშან და მან მოვა პერიოდი 2019-2020 წლის ჩათვლით. თუ კომპანიები შეაფასებენ, რომ გარკვეული ცვლილებები იმ მოცემულობაში, რომელიც ჩვეჰნ საფუძვლად დავუდეთ ტარიფის დათვლას, გარკვეული ცვლილებები შევიდა და შეიცვალა მათი ხარჯები და შემოსვალები, ბუნებრივია, მათ აქვთ უფლება, მოგვმართონ სატარიფო განაცხადით“-განაცხადა ირინა მილორავამ.

ლარის გაუფასურებამ შესაძლოა ბუნებრივ აირსა და ელექტროენერგიაზე სამომხმარებლა ტარიფის გაზრდა გამოიწვიოს. ენერგეტიკოსების განცხადებით, თუ ლარი 2.80-ამდე გაუფასურდა, მაშინ კომპანიები იძულებულები გახდებიან ტარიფის გადახედვის მოთხოვნით სემეკს მიმართონ.

„თუ წავიდა 2.8, 2.9 მაშინ მოხდება ეგეთი რაღაც, რომ კომპანიებს ექნებათ ძალიან სერიოზული პრობლემები. ბუნებრივია შენ ყიდი ლარში გაზს და ყიდულობ დოლარში. ასევე გარკვეული პრობლემები შეიქმნება შემოტანილ ელექტროენერგიასთან დაკავშირებით. ჩვენ საკმაოდ ნორმალურ ფასად ვყიდულობთ ამ ელექტროენერგიას ამერიკულ ცენტებში, მაგრამ ვღებულობთ მოსახლეობიდან ლარებში. თუ აქაც სერიოზული კატასტროფა მოხდა აქაც გარკვეული პრობლემები ალბათ შეიქმნება,“-განაცხადა გია არაბიძემ.