კახა კალაძე "ფარულ ჩანაწერს" ავრცელებს (ვიდეო)

პოლიტიკა - 15:11, 23 Oct, 2018

13229

დედაქალაქის მერი გაერთიანებული ოპოზიციის მიერ გავრცელებულ სატელეფო ნოჩანაწერებმა ხუმრობის ხასიათზე დააყენა. კახა კალაძე დღეს ჟურნალისტებს მომზადებული დახვდა და საპასუხო სატელეფონო ჩანაწერი წარუდგინა.
ცნობისთვის, ოპოზიციამ სატელეფონო ჩანაწერი წარადგინა, სადაც ავტორი სატრანსპორტო კომპანიის თანამშრომლებს, შოთა კარასაშვილსა და სტელა ხაჩატურიანს "ქართული ოცნების" საარჩევნოშტაბის წარმომადგენლის სტატუსით ეცნობა.
ჩანაწერის ავტორი კომპანიის თანამშრომლებს ეკითხება, მიიღეს თუ არა დავალება სატრანსპორტო კომპანიიდან, რომ საპრეზიდენტო არჩევნებზე უნდა მივიდნენ და ხმა სალომე ზურაბიშვილს მისცენ.

კალაზე ამბობს, რომ მის მიერ ავრცელებულ ჩანაწერში საუბარია იმაზე, რომ „ნაციონალური მოძრაობის“ წარმომადგენლები რეკავენ სატრანსპორტო კომპანიაში და მითითებას აძლევენ, რომ გაერთიანებული ოპოზიციის საპრეზიდენტო კანდიდატს, გრიგოლ ვაშაძეს დაუჭირონ მხარი.

ჩანაწერში კახა კალაძე, სავარაუდოდ, მერიის პრესსამსახურის თანამშრომელს ესაუბრება.

„მეც მაქვს ჩანაწერი, რომელიც მოვიპოვე და მგონია, რომ აუცილებელია გამოძიება დაიწყოს, ახლა მოგასმენინებთ ამ ჩანაწერს:

"- გიორგი ხართ ხომ?

- დიახ, გისმენთ

- სატრანსპორტო კომპანიიდან გაწუხებთ, თქვენ 2017 წლის ადგილობრივი თვითმმართველობის არჩევნებზე ხომ იყავით მოსულები,

- ვიყავით

- ოჯახით ხომ?

- ნათესავები წამოვიყვანეთ

- წელსაც ხომ აპირებთ მოსვლას?“ რა თქმა უნდა

- ხმას ვაძლევ „ნაციონალურ მოძრაობას“, ვინც დაგვაკარგინა ქვეყნის 20%.- ხმას ვის აძლევთ გაქვთ ხომ მითითება მიღებული?

„ნაციონალურ მოძრაობას“ დავალება გაუცია სატრანსპორტო კომპანიაში, რომ „ნაციონალურ მოძრაობას“ უნდა მისცენ ხმა, როგორც 2017 წელს. ალბათ, ეს არის ძალიან ცუდი ფაქტი, გამოყენება ადმინისტრაციული რესურსის, ოღონდ ოპოზიციის მხრიდან. ეს ძალიან ცუდია და საარჩევნო გარემოს აზიანებს,“-განაცხადა კახა კალაძემ.