თეა წულუკიანის თავდასხმა მესამე სექტორზე - არასამთავრობოები ხელისუფლებისგან თავდასხმითი სერიის გაგრძელებას ელოდებიან

პოლიტიკა - 14:23, 23 Oct, 2018

1115

მესამე სექტორი იუსტიციის მინისტრის თეა წულუკიანის მიერ დანიაში, ანტიკორუფციულ კონფერენციაზე გაკეთებულ განცხადებას აფასებს.

იუსტიციის მინისტრმა თქვა, რომ ეკა გიგაური სავარაუდოდ მონაწილეობდა მშვიდობიანი მანიფესტაციის დარბევის ხელშეწყობაში, თუმცა დღემდე სასამართლოში არ გამოცხადებულა.

„ისინი, ალბათ, მეტი სიმწვავით ისაუბრებენ სხვა ფორუმებზე, მაგრამ მინდა შევახსენო რომ ისინი ზიანს აყენებენ სახელმწიფოს და არა რომელიმე სამოქალაქო საზოგადოების ორგანიზაციას, ვინაიდან ასეთი განცხადებები მიანიშნებს იმაზე, რომ დიახ, სამოქალაქო საზოგადოების კრიტიკა მნიშვნელოვანი და აუცილებელია. ხელისუფლება, რომელიც თვლის, რომ სამოქალაქო საზოგადოება არ უნდა აკრიტიკებდეს მას, იქ სხვა ტიპის რეჟიმი უნდა არსებობდეს საერთოდ მმართველობის თვალსაზრისით და არა ის, რომელიც დაკავშირებულია და გამოხატავს დემოკრატიას,“- აცხადებს „ახალგაზრდა იურისტთა ასოციაციის“ თავმჯდომარე სულხან სალაძე.

„ისინი ცდილობენ ხელოვნური მტრის ხატის შექმნას“ - ეს შეფასება კი სოფიო ვერძულს ეკუთვნის.

"ადამიანის უფლებების სწავლებისა და მონიტორინგის ცენტრის" მართლმსაჯულების და დემოკრატიის პროგრამის დირექტორი ამბობს, რომ ხელისუფლება აგრესიის მიმართვას სხვა მხარეს ცდილობენ.

„თუკი აქამდე ცამეტი ქალი და კაცი იყო პრობლემა ახლა აღმოჩნდა, რომ საერთაშორისო ორგანიზაცია არის ერთი ორგანიზაცია, რომელიც ამ ბრალდებებზე საუბრობს, რაც ასე არ არის“-ამბობს ვერძეული.