„არაფერს ვუპასუხებ ბატონ ვაშაძეს, რომელმაც სხვადასხვა ტონალობაში მომმართა“ - სალომე ზურაბიშვილი გრიგოლ ვაშაძის კითხვებს არ პასუხობს

პოლიტიკა - 13:51, 23 Oct, 2018

1156

სალომე ზურაბიშვილს არ სურს გრიგოლ ვაშაძეს პასუხები გასცეს. ამის შეახებ „ქართული ოცნების“ მხარდაჭერილმა კანდიდატმა ჟურნალისტებთან განაცხადა. მედია დაინტერესდა რა პასუხი აქვს მას გაერთიანებული ოპოზიციის საპრეზიდენტო კანდიდატის მიერ დასმულ ოთხ კითხვაზე, რომელიც რეზონანულ საქმეებს ეხება.

„არაფერს ვუპასუხებ ბატონ ვაშაძეს, რომელმაც მომმართა არაერთხელ და სულ სხვადასხვა ტონალობაში. ამიტომ არანაირად არ ვთვლი თავს ვალდებულად, რომ გრიგოლ ვაშაძეს გავცე რამე პასუხი", - განაცხადა სალომე ზურაბიშვილმა, რომელიც ამბობს, რომ თუ ვაშაძეს სურს კითხვების დასმა, ხვალ „საზოგადოებრივი მაუწყებლის“ ეთერში უპასუხებს.

გაერთიანებული ოპოზიცია „ძალა ერთობაშიას“ საპრეზიდენტ კანდიდატი გრიგოლ ვაშაძე, მმართველი გუნდის მიერ მხარდაჭერილ კანდიდატს სალომე ზურაბიშვილს რეზონანსულ საქმეებზე პასუხებს სთხოვს. ამის შესახებ განცხადება, ვაშაძემ ბათუმში დღეს გამართულ ბრიფინგზე გააკეთა. კერძოდ საქმე ეხება ხორავას ქუჩაზე მომხარ სასტიკ მკვლელობას და მირზა სუბელიანის საკითხს, ომეგა ჯგუფის საქმეს, ქართული ოცნების დეპუტატებისა და მაღალჩინოსნების ფეშენებელურ სახლებს, რომელიც მათ ხელისუფლებაში მოსვლის შემდეგ შეიძინეს.