"შეუძლებელია იმის გარკვევა, რამ გამოიწვია კურსის ან გაუფასურება ან გამყარება"

"შეუძლებელია იმის გარკვევა, რამ გამოიწვია კურსის ან გაუფასურება ან გამყარება" - ეროვნული ბანკის პრეზიდენტი ლარის კურსზე

პოლიტიკა - 13:16, 23 Oct, 2018

1148

ლარი კატასტროფულ ვარდნას განაგრძობს - ეროვნული ბანკის დადგენილი კურსის მიხედვით, გუშინ დღის ბოლოს ლარი 0.1%-ით გამყარდა, თუმცა დღეს დილიდან საცალო ბაზარზე ერთი დოლარის ღირებულება ისევ 2 ლარსა და 71 თეთრს შეადგენს.

ეროვნული ბანკის პრეზიდენტის, კობა გვენეტაძის განცხადებით კონკრეტული მიზეზის დადგენა შეუძლებელია თუ რატომ უფასურდება ლარი. გვენეტაძე ამტკიცებს, რომ ლარის კურსის ვარდნას გავლენა არ ჰქონია ფასების ზრდაზე.

“საქართველოში ჩვენ გვაქვს მცურავი გაცვლითი კურსის რეჟიმი, რომლისთვისაც მოკლევადიან პერიოდში დამახასიათებელი არის რყევები. შეუძლებელია იმის გარკვევა, თუ რამ გამოიწვია კურსის ან გაუფასურება ან გამყარება. მცურავი გაცვლითი რეჟიმი არის ყველაზე კარგი საშუალება, რათა ნებისმიერი შოკი, რომელიც შეიძლება მოხდეს ეკონომიკამ შეიწოვოს. ეროვნულ ბანკს არ გააჩნია რაიმე ნიშნული, მაჩვენებელი გაცვლითი კურსის. ჩვენი მთავარი საზრუნავი ეს არის ინფლაცია და აი, ეს არის აქ გაცილებით მნიშვნელოვანი. ინფლაცია საქართველოში არის ძალიან დაბალი. დღესდღეობით რაც გვაქვს, ეს არის მიზნობრივ მაჩვენებელზე ქვემოთ. ბოლო ინფორმაციით, როგორც მოგეხსენებათ წლიური ინფლაცია 2,7% და ჩვენ გვაქვს ყველა ბერკეტი იმისათვის, რომ ინფლაცია ვაკონტროლოთ და დაბალ დონეზე შევინარჩუნოთ,“ - განაცხადა კობა გვენეტაძემ.