მმართველი გუნდის მიერ მხარდაჭერილი საპრეზიდენტო კანდიდატის სალომე ზურაბიშვილის შემომწირველთა შორის „ქართუ ბანკისა“ და „ქართუ ჯგუფის“ ხელმძღვანელები არიან. სახელმწიფო აუდიტის სამსახურის მიერ გამოქვეყნებული მონაცემების თანახმად, აღნიშნული პირების მიერ ჩარიცხული თანხის ოდენობა 105 000 ლარს შეადგენს.

„ქართუ ბანკისა“ და „ქართუ ჯგუფის“ გენერალურმა დირექტორმა, ნატო ხაინდრავამ 19 ოქტომბერს ზურაბიშვილს 30 000 ლარი ჩაურიცხა. „ქართუ ბანკის“ კომერციულმა დირექტორმა ზურაბ გოგუამ 25 000 ლარი, ბანკის ოპერაციების დირექტორმა დავით გალუაშვილმა - 25 000 ლარი და „ქართუ ჯგუფის“ აღმასრულებელმა დირექტორმა გოჩა ჩიკვილაძემ - 25 000 ლარი.