„სახელმწიფო ხალხისთვის“ შიდა კვლევა არ ჩაუტარებია, ეს არის ხელისუფლების ფეიკნიუსები და პანიკა ივანიშვილის კარზე“

„სახელმწიფო ხალხისთვის“ შიდა კვლევა არ ჩაუტარებია, ეს არის ხელისუფლების ფეიკნიუსები და პანიკა ივანიშვილის კარზე“ - ნიკა მაჭუტაძე

პოლიტიკა - 15:44, 22 Oct, 2018

1329

სოციალურ ქსელში ერთ-ერთი ინტერნეტგამოცემის მიერ ვრცელდება სოციოლოგიური კვლევი შედეგები, რომელიც, გამოცემის ინფორმაციით, მოძრაობა „სახელმწიფო ხალხისთვის“ მიერაა ჩატარებული. კვლევის შედეგების თანახმად, როგორც ამას გამოცემა წერს, ლიდერობს სალომე ზურაბიშვილი და მას რეიტინგში მოჰყვება გაერთიანებული ოპოზიციის "ძალა ერთობაშია" კანდიდატი გრიგოლ ვაშაძე, "ევროპული საქართველოს" კანდიდატი დავით ბაქრაძე და სხვები.

მოძრაობა „სახელმწიფო ხალხისთვის“, რომელიც გაერთიანებული ოპოზიციის „ძალა ერთობაშია“ წევრია, გავრცელებულ კვლევას სიცრუეს უწოდებს. პარტიის თავმჯდომარე ნიკა მაჭუტაძე აცხადებს, რომ ე.წ. შიდა კვლევა მათ მიერ არ ჩატარებულა და გავრცელებული ინფორმაცია, მისი თქმით, ივანიშვილის კარზე პანიკის მაჩვენებელია.

„ხელისუფლების მიერ კონტროლირებული მედია და ფეისბუქის ტროლები ავრცელებენ ცრუ ინფორმაციას, თითქოს, პოლიტიკურმა მოძრაობამ “სახელმწიფო ხალხისთვის”, რომლის თავმჯდომარე მე ვარ, ჩაატარა ე.წ. შიდა კვლევა, რომლის მიხედვით, ვითომდა არჩევნებში იმარჯვებს ხელისუფლების კანდიდატი.

ჩვენ არ ჩაგვიტარებია არანაირი კვლევა ამ საპრეზიდენტო არჩევნებში და გავრცელებული ინფორმაცია, ისევე როგორც ხელისუფლების პროპაგანდის სხვა ფეიკები არის ტყუილი და აჩვენებს იმ პანიკას, რომელიც არის ივანიშვილის კარზე. ჩვენ ვიცით მხოლოდ იმ კვლევის სრულიად მკაფიო შედეგები, რომელიც ჩაატარა მსოფლიოში აღიარებულმა ავტორიტეტულმა კომპანიამ - “ედისონ რისერჩი.”

ქართველი ხალხი აუცილებლად გაიმარჯვებს ამ არჩევნებში და დაიცავს კოდევაც თავის გამარჯვებას. ძალა ერთობაშია!“ - აცხადებს ნიკა მაჭუტაძე.