"ზურაბიშვილის არჩევა, იგივეა, რაც ჰააგაში საკუთარი სახელმწიფოს წინააღმდეგ ჩვენების მიცემა"- სალომე სამადაშვილი

პოლიტიკა - 15:47, 22 Oct, 2018

1120

რუსეთმა სალომე ზურაბიშვილის წიგნიდან ციტატები საქართველოს წინააღმდეგ მტკიცებულებად წარადგინა - ფაქტს “ნაციონალური მოძრაობის“ ერთ-ერთი ლიდერი სალომე სამადაშვილი ეხმაურება.

სალომე სამადაშვილის თქმით, ზურაბიშვილის გაპრეზიდენტების შემთხვევაში, ჰააგაში წარდგენილი მტკიცებულებები გაცილებით მნიშვნელოვან დატვირთვას მიიღებს.

„საქართველოს ყველა მოქალაქეს ალბათ ესმის, რომ იმ შემთხვევაში, თუ „ქართული ოცნება“ და ბიძინა ივანიშვილი თავს მოგვახვევს სალომე ზურაბიშვილს როგორც უკვე ქვეყნის პრეზიდენტს, ამ მტკიცებულებებს, რაც წარდგენილია უკვე ჰააგაში, ეს მტკიცებულებები შეიძენს ბევრად უფრო მნიშვნელოვან დატვირთვას, იმიტომ რომ ეს არ იქნება ერთ-ერთი ქართველი პოლიტიკოსის აზრი, ეს იქნება საქართველოს პირდაპირი წესით არჩეული პრეზიდენტის აზრი. სწორედ ამიტომ, ყველა მოქალაქეს, რომელიც არჩევნებზე წავა 28 ოქტომბერს, უნდა დაფიქრდეს აძლევს თუ არა ხმას სალომე ზურაბიშვილს, საკუთარ თავს პირველ რიგში უნდა ჰკითხოს, არის თუ არა ის მზად საქართველოს წინააღმდეგ მისცეს ჩვენება ჰააგის სასამართლოში, იმიტომ რომ სალომე ზურაბიშვილის არჩევა და შემოხაზვა სალომე ზურაბიშვილის საარჩევნო ნომრის, ეს ფაქტიურად იგივეა, რაც ჰააგაში საკუთარი სახელმწიფოს წინააღმდეგ ჩვენების მიცემა,“ - განაცხადა სალომე სამადაშვილმა.