ოკუპირებული ცხინვალის რეგიონის ე.წ სახელმწიფო უსაფრთხოების კომიტეტი ოკუპანტების მიერ გატაცებულ საქართველოს მოქალაქეებთან დაკავშირებით განცხადებას ავრცელებს. მათი თქმით, საქართველოს 4 მოქალაქის დაკავება საზღვრის დარღვევის გამო მოხდა. ე.წ კომიტეტის განცხადებით დაკავებულები იქნენ : გურამ ლობჟანიძე 18 წლის და იოსებ ტეტელოშვილი 32 წლის თბილისის მაცხოვრებლები, ასევე კასპის მუნიციპალიტეტის , სოფელ ოკამის მაცხოვრებლები გიორგი შამანაური 33 წლის და იასონ შუკაკიძე 30 წლის.

ე.წ სახელმწიფო უსაფრთხოების კომიტეტის განცხადებით, იმის გამო რომ ლობჟანიძე და ტეტელაშვილი სასულიერო პირები იყვნენ, მათი ქართული მხარისთვის გადაცემა, ჰუმანური მოსაზრებებით ჯარიმის გარეშე მოხდა.

რაც შეეხება შამანაურს და შუკაკიძეს, ამჟამად მათთან დაკავშირებით სამართალწარმოება მიმდინარეობს და განიხილება მასალების სასამართლოსთვის გადაცემის საკითხი.