"ამისთანა ღირსეული კანდიდატი გვყავს გრიგოლ ვაშაძის სახით და საუკეთესო კანდიდატი პირველ ლედობაზე ქალბატონი ნინო ანანიაშვილის სახით"- სანდრა რულოვსი

პოლიტიკა - 16:13, 20 Oct, 2018

1081

გაერთიანებული ოპოზიცია-„ძალა ერთობაშიას“ საპრეზიდენტო კანდიდატი გრიგოლ ვაშაძე ზუგდიდში მხარდამჭერებს ხვდება. შეკრებილ მოსახლეობას საქართველოს ყოფილმა პირველმა ლედიმ სანდრა რულოვსმა მიმართა, მისი თქმით საპრეზიდენტო არჩევნებს ძალიან დიდი მნიშვნელობა ენიჭება ქვეყნისთვის, რადგან გადაწყდება, იქნება თუ არა საქართველო პროევროპული. სანდრა რულოვსმა ოპოზიციის ერთიანობის მნიშვნელობას გაუსვა ხაზი:

„ახლა უკვე აღარ ვართ ერთი პარტია, ახლა ვართ 11 გაერთიანებული პარტია და ვაღარავინ მოგვერევა. 28 ოქტომბერს გადაწყდება ძალიან ბევრი რამ, არა ამრტო ვინ იქნება პირველ ტურში გამსვლელი, არამედ საქართველო გადარჩება თუ არა, როგორც დამოუკიდებელი, პროევროპული ქვეყანა. ახლა ბოლომდე ხართ გაღვიძებულები. ქვეყანა არის ჩიხში შესული, აღარაფრის იმედი აღარ გვაქვს, საზღვრებს არავინ არ გვიცავს, სიდუხჭირისგან არავინ არ გვიცავს, ჩვენ მარტო ვართ, როცა არის რაიმე კატასტროფა, უბედურება, მკვლელობა.“- განაცხადა სანდრა რულოვსმა და ზუგდიდელებს გაერთიანებული ოპოზიცია- „ძალა ერთობაშიას“ საპრეზიდენტო კანდიდატის გრიგოლ ვაშაძის მხარდაჭერისკენ მოუწოდა:

„ამისთანა ღირსეული კანდიდატი გვყავს გრიგოლ ვაშაძის სახით და საუკეთესო კანდიდატი პირველ ლედობაზე ქალბატონი ნინო ანანიაშვილის სახით.“- აღნიშნა სანდრა რულოვსმა.