ამის შესახებ განცხადება "პრაიმტაიმის" პრესკლუბში დღევანდელ პრესკონფერენციაზე "უფლებადამცველთა ასოციაციის" წარმომადგენლებმა ნიკა მემანიშვილმა, ფიქრია მახარაძემ და ლექსო კობიძემ გააკეთეს.

როგორც არასამთავრობო ორგანიზაციის წარმომადგენლები აცხადებენ, ციხეში პატიმარს 4-5 საათის განმავლობაში აწამებდნენ. კერძოდ, უშანგი ჭუმბურიძე ჩამოკიდებული ჰყავდათ კედელზე. რის შემდეგაც, მათივე ინფორმაციით, კვალის დაფარვის მიზნით მე-8 დაწესებულებიდან, მე-19 დაწესებულებაში გადაიყვანეს.

არასამთავრო ორგანიზაციის წარმომადგენლები სასჯელაღსრულების მინისტრ სოზარ სუბარს ფაქტზე რეაგირებისკენ მოუწოდებენ და მე-8 დაწესებულების რეჟიმის უფროსის და მისი მოადგილის სამსახურიდან გათავისუფლებას ითხოვენ.