წყაროს ინფორმაციით, ქალაქის ცენტრიდან ხობის რაიონული საავადმყოფოსკენ მიმავალი "ოპელ კორსას" მარკის მსუბუქი ავტომანქანა "ოპელის" მარკის ავტომანქანას დაეჯახა. ავტოავარიის შედეგად ადგილზე გარდაიცვალა "ოპელ კორსას" მარკის ავტომანქანაში მსხდომი სამივე მგზავრი.

გარდაცვლილთაგან ერთ-ერთი ხობის რაიონული საავადმყოფოს ექიმ-რენტგენოლოგი გიორგი შელიაა. ამ წუთებში შემთხვევის ადგილზე საპატრულო პოლიცია და სასწრაფო დახმარების ბრიგადები მუშაობენ. "ოპელის" ავტომანქანის მძღოლი მძიმე მდგომარეობით ხობის საავადმყოფოშია გადაყვანილი, რომელსაც სასწრაფო ოპერაცია უტარდება. გარდაცვლილთა ცხედრებს თავიანთ სახლებში ცოტა ხანში გადაასვენებენ.