"მე სხვა რამეში გამოვიწვიე..." - რუსეთის გვარდიის მეთაური ალექსეი ნავალნისთან დებატებზე უარს აცხადებს

მსოფლიო - 15:04, 19 Oct, 2018

2673

რუსეთის გვარდიის მეთაური ვიკტორ ზოლოტოვი ალექსეი ნავალნისთან დებატებზე უარს ამბობს და აცხადებს, რომ მან ოპოზიციონერი პოლიტიკოსი სხვა რამეში გამოიწვია.

“დებატები? მე ის სხვა რამეში გამოვიწვიე. ამიტომ ვერ შევთანხმდებით. ბრალს მდებენ იმაში, რომ მე ის გამოვიწვიე იმისთვის რომ მეცემა, იმის გაო, რომ კორუფციაში დამადანაშაულა. საქმე იმაშია, რომ ახლა სასამართლო მიდის, აი სასამართლოს განაჩენის შემდეგ ვნახავთ მართალია ის თუ არა, ამის შემდეგ ამ საკითხს ისევ დავუბრუნდები.“- განაცხადა ზოლოტოვმა,

შეგახსენებთ, რუსმა ოპოზიციონერმა ალექსეი ნავალნიმ დუელში გამოწვევის საპასუხოდ, რუსეთის გვარდიის ხელმძღვანელი, ვიქტორ ზოლოტოვი დებატებში გამოიწვია:

„რადგან თქვენ ამ შესანიშნავი ტრადიციის გაცოცხლება გადაწყვიტეთ, მაშინ გეცოდინებათ, რომ დუელის ფორმასაც და იარაღსაც ის ირჩევს, ვინც გამოიწვიეს. მე თქვენ გამოწვევას ვიღებ და ვირჩევ ადგილს და იარაღს. ჩვენი დუელი შედგება დებატების სახით პირდაპირ ეთერში პირველ არხზე, ან მეორე არხზე, ან ნებისმიერ ფედერალურ არხზე. თუ ისინი უარს გვეტყვიან , მაშინ იუთუბ-არხზე, სადაც მაინც გვნახავს მილიონობით ადამიანი.“- განაცხადა ნავალნიმ და ზოლოტოვს ერთი კვირის ვადა მისცა.