"ოცნება კოლოსალურ თანხას ხარჯავს, რომ დააზიანოს გრიგოლ ვაშაზის პლაკატები"- ოპოზიცია კალაძეს უკანონო ბრძანების გაცემაში ადანაშაულებს

პოლიტიკა - 15:50, 18 Oct, 2018

1002

გაერთიანებული ოპოზიციის „ძალა ერთობაშიას“-ს საპრეზიდენტო კანდიდატის გრიგოლ ვაშაძის საარჩევნო შტაბის ხელმძღვანელი გიორგი ვაშაძე დედაქალაქის მერს უკანონო გადაწყვეტილების მიღებაში ადანაშაულებს.

საუბარია კახა კალაძის მიერ გუშინ გაცემულ ბრძანებაზე, რომელიც დედაქალაქში საპრეზიდენტო კანდიდატების საარჩევნო პლაკატების ჩამოხევას გულისხმობს.

გიორგი ვაშაძე ამბობს, რომ ხელისუფლება კოლოსალურ თანხებს ხარჯავს იმისტვის, რომ გრიგოლ ვაშაზის საარჩევნო პლაკატები დააზიანოს.

გაერთიანებული ოპოზიციის წარმომადგენელი დარწმუნებილია, რომ 28 ოქტომბერს მმართველი პოლიტიკური ძალის მიერ მხარდაჭერილი საპრეზიდენტო კანდიდატი დამარცხდება, რითაც "ქართული ოცნების" პირობებში არსებული კრიმინალური დაჯგუფებები წარსულს ჩაბარდება.

"რამდენიმე დღეა, ქართული ოცნება, მთელი ქვეყნის მასშტაბით კოლოსალურ თანხას ხარჯავს, რომ დააზიანოს ჩვენი პლაკატები, ბანერები და შეღებოს ეს ყველაფერი. გუშინ კი თბილისის მერი, კახა კალაძე გამოვიდა და დავალება მისცა დასუფთავების სამსახურს, რომ ქალაქში ჩვენი პლაკატები ჩამოეხსნათ. მინდა თბილისის მერს მივმართო, ბატონო კახა, შეასრულეთ კანონით თქვენზე დაკისრებული მოვალეობა, შექმენით, გამოიტანეთ ქალაქში სტენდები, სადაც შეიძლება პლაკატები გამოიკრას და ნუ აძლევთ უკანონო დავალებებს დასუფთავების სამსახურის თანამშრომლებს. სამშენებლო ღობეებზე და აბსოლუტურად ყველგან, დასუფთავების სამსახურის თანამშრომლები ხსნიან ჩვენს პლაკატებს. მინდა გითხრათ, რომ ამ უკანონობაზე პასუხად მიიღებთ, მშვიდობიანი არჩევნებით თქვენს წარსულში ჩაბარებას. თქვენ ცდილობთ შეაშინოთ საზოგადოება,. მივმართავ საზოგადოებას, ჩვენ მშვიდობიანად, არჩევნების გზით უნდა დავასრულოთ ის კატასტროფა, რაც დღეს ქვეყანაში ხდება. 28 ოქტომბერს აუცილებლად დასრულდება ის ტოტალური და სრულიად უკანონო დაჯგუფებების არსებობა ქვეყანაში. ჩვენ ვაგრძელებთ მუშაობას და ყველაფერს გავაკეთებთ იმისთვის, რომ გაყალბებისგან თავისუფალ, სამართლიანი არჩევნებში გავიმარჯვოთ და დავიწყოთ განვითარების ახალი ეტაპი"- აცხადებს გიორგი ვაშაძე.